കോന്നി: റോഡരുകിലെ ഓട മൂടുന്ന സ്ലാബുകള് പൂര്ണ്ണമായും സ്ഥാപിക്കാത്തതും മുന്നറിയിപ്പ് സംവിധാനങ്ങളില്ലാത്തതും യാത്രക്കാര്ക്ക് അപകടക്കെണിയാകുന്നു. കുമ്പഴ-പുനലൂര് റോഡില് നിന്നും ആനക്കൂട് റോഡിലേക്ക് ആര്വിഎച്ച് എസ്എസിന് സമീപത്തുകൂടിയുള്ള ചെറിയ റോഡിലാണ് അപകടം പതിയിരിക്കുന്നത്. റോഡിന് വീതി വര്ദ്ധിപ്പിക്കുന്നതിനായി ഓടയുടെ മുകളില് പുതിയ കോണ്ക്രീറ്റ് സ്ലാബുകള് സ്ഥാപിക്കുന്ന ജോലികള് പുരോഗമിക്കവെയാണ് യാത്രക്കാര് കണ്ണുതെറ്റിയാല് ഓടയില് പതിക്കുന്ന സാഹചര്യം. ആനക്കൂട് റോഡില് നിന്നും തിരിയുന്ന ഭാഗത്ത് ഇടവിട്ടാണ് സ്ലാബുകള് സ്ഥാപിച്ചിട്ടുള്ളത്. ചെറിയ റോഡിലേക്ക് തിരിയുന്ന വാഹനങ്ങള് ഓടകളുടെ ഇടയില് ചാടുവാനുള്ള സാധ്യത ഏറെയാണ്. മുന്നറിയിപ്പ് സംവിധാനങ്ങള് ഇല്ലാത്തത് അപകടസാധ്യത വര്ദ്ധിപ്പിക്കുന്നു. റോഡ് വികസനത്തിന് കൂടുതല് ഭൂമി ഏറ്റെടുക്കാന് ബുദ്ധിമുട്ടായതിനാലാണ് ഓടയുടെ മുകളില് ബലമേറിയ പുതിയ സ്ലാബ് സ്ഥാപിച്ച് റോഡിന്റെ ഭാഗമാക്കാന് പൊതുമരാമത്ത് വകുപ്പ് പദ്ധതി തയ്യാറാക്കിയത്. എന്നാല് നിര്മ്മാണ പ്രവര്ത്തനങ്ങള് ഇഴഞ്ഞു നീങ്ങുകയാണെന്ന പരാതിയും ഉയരുന്നു.
അപകടക്കെണിയൊരുക്കി ഓടനിര്മ്മാണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.