തലശ്ശേരി: തലശ്ശേരി കോടതിയിലെ റിപ്പബ്ലിക് ദിനാഘോഷ പരിപാടിയില്‍ ഇന്ത്യന്‍ പ്രധാനമന്ത്രിയെയും ഭരണസവിധാനത്തെയും യാതൊരു നീതീകരണവുമില്ലാതെ ആക്ഷേപിച്ചുകൊണ്ടും സഭയില്ലാത്ത സംഘടനകളെ അവകീര്‍ത്തിപ്പെടുത്തിക്കൊണ്ടും ബാര്‍ അസോസിയേഷന്‍ പ്രസിഡണ്ട് നടത്തിയ പ്രസംഗത്തില്‍ ബിജെപി തലശ്ശേരി നിയോജക മണ്ഡലം കമ്മറ്റി പ്രതിഷേധിച്ചു. തലശ്ശേരി ബാര്‍ അസോസിയേഷന്‍ പ്രസിഡണ്ട് അഡ്വ.ഷറഫുദ്ദീനാണ് പ്രധാനമന്ത്രിയെ ആക്ഷേപിച്ച് പ്രസംഗിച്ചത്. ഇത് അസഹിഷ്ണുതയുടെ പ്രത്യേക്ഷ ഉദാഹരണമാണെന്ന് ബിജെപി ആരോപിച്ചു. അസത്യങ്ങള്‍ വിളിച്ചുപറഞ്ഞ് പ്രസംഗിക്കുക വഴി അദ്ദേഹം ലക്ഷ്യമിടുന്നത് സമൂഹത്തില്‍ ഭിന്നിപ്പുണ്ടാക്കുക എന്നതാണ്. റിപ്പബ്ലിക് ദിനത്തില്‍ രാജ്യമെങ്ങും ഒരുമിച്ച് ചേരണമെന്ന് ആഹ്വാനം ചെയ്യുമ്പോള്‍ അതിന് വിപരീതമായി അഡ്വ.ഷറഫുദ്ദീന്‍ ഭിന്നിപ്പുണ്ടാക്കാന്‍ ശ്രമിക്കുന്നത് ദേശദ്രോഹ പ്രവര്‍ത്തനം തന്നെയാണെന്നും ഇത്തരം കുത്സിത ശ്രമങ്ങള്‍ നടത്തുവാന്‍ ബാര്‍ അസോസിയേഷന്‍ പ്രസിഡണ്ട് സ്ഥാനവും വഖഫ് ബോര്‍ഡ് അംഗവുമായി ഇരിക്കുന്നത് ഉചിതമല്ലെന്നും അടിയന്തിരമായും അദ്ദേഹം രണ്ട് സ്ഥാനങ്ങളും രാജിവെക്കണമെന്നും ബിജെപി ആവശ്യപ്പെട്ടു. യോഗത്തില്‍ എന്‍.ഹരിദാസന്‍ അധ്യക്ഷത വഹിച്ചു. അഡ്വ.വി.രത്‌നാകരന്‍ സംസാരിച്ചു.
പ്രധാനമന്ത്രിയെയും ഭരണസംവിധാനത്തെയും ആക്ഷേപിച്ച് ബാര്‍ അസോസിയേഷന്‍ പ്രസിഡണ്ട് നടത്തിയ പ്രസംഗം: ബിജെപി പ്രതിഷേധിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.