കണ്ണൂര്: കെല്ട്രോണ് ജീവനക്കാരുമായുണ്ടാക്കിയ ശമ്പള പരിഷ്ക്കരണ റിപ്പോര്ട്ട് എത്രയും പെട്ടെന്ന് നടപ്പിലാക്കുക, കാഷ്വല്/കോണ്ട്രാക്ട് ജീവനക്കാരെ സ്ഥിരപ്പെടുത്തുക എന്നീ ആവശ്യങ്ങളുന്നയിച്ച് കെല്ട്രോണ് ജീവനക്കാര് പ്രക്ഷോഭത്തിലേക്ക്. പ്രക്ഷോഭത്തിന്റെ ഭാഗമായി ഇന്ന് കെല്ട്രോണ് എംപ്ലോയീസ് ഓര്ഗനൈസേഷന് നേതാക്കള് തിരുവനന്തപുരം സെക്രട്ടറിയേറ്റിനു മുന്നില് ഉപവാസസമരം നടത്തും. കെഇഒ അഖിലേന്ത്യാ പ്രസിഡണ്ട് സി.ദിവാകരന് ഉദ്ഘാടനം ചെയ്യും. ശമ്പള പരിഷ്ക്കരണത്തിന്റെ കാലാവധി കഴിഞ്ഞിട്ട് 45 മാസം പിന്നിട്ടുവെന്നും ശമ്പള കമ്മീഷന് റിപ്പോര്ട്ട് സമര്പ്പിച്ചിട്ടും ഇതുവരെ അനുകൂല നടപടികള് ഉണ്ടായിട്ടില്ലെന്നും ജീവനക്കാര് പറയുന്നു. ശമ്പള പരിഷ്ക്കരണ റിപ്പോര്ട്ട് ഇപ്പോഴും ഫിനാന്സ് സെക്രട്ടറിയുടെ മേശപുറത്ത് കിടക്കുകയാണ്. കെല്ട്രോണ് സ്ഥാപിതമായിട്ട് 42 വര്ഷങ്ങള് പിന്നിട്ടെന്നും ആനുകൂല്യങ്ങള് ത്യജിച്ച് 16 വര്ഷത്തോളം ജീവനക്കാര് നടത്തിയ ത്യാഗ പൂര്ണ്ണമായ പ്രവര്ത്തനങ്ങളാണ് ഇന്നും സ്ഥാപനം നിലനിന്നു പോകുന്നതിന്റെ അടിസ്ഥാനം എന്നും ഇന്ന് സ്ഥാപനം ലാഭത്തിലായിട്ടു പോലും ജീവനക്കാര് തുച്ഛമായ വേതനത്തിനാണ് ജോലി ചെയ്യുന്നതെന്നും ജീവനക്കാര് പറഞ്ഞു.
കെല്ട്രോണ് ജീവനക്കാര് പ്രക്ഷോഭത്തിലേക്ക് : ഇന്ന് ഉപവാസ സമരം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.