തളിപ്പറമ്പ്: വിഷുവിന് വിഷരഹിത പച്ചക്കറി ലക്ഷ്യവുമായി പട്ടുവം മംഗലശ്ശേരി ആര്ട്സ് ആന്ഡ് സ്പോര്ട്സ് ക്ലബ്ബ് പ്രവര്ത്തനം ആരംഭിച്ചു. കണ്ണൂര് ജില്ലാ പഞ്ചായത്ത്, തളിപ്പറമ്പ് ബ്ലോക്ക് പഞ്ചായത്ത്, കേരള കൃഷി വകുപ്പ് എന്നിവയുടെ സഹകരണത്തോടെ മംഗലശ്ശേരി വയലിലെ അഞ്ച് ഏക്കറോളം സ്ഥലത്താണ് കൃഷി ആരംഭിച്ചത്.
പച്ചക്കറി തൈകളുടെ നടീല് ഉദ്ഘാടനം കണ്ണൂര് ജില്ലാ പഞ്ചായത്ത് വൈസ് പ്രസിഡന്റ് പി.പി.ദിവ്യ നിര്വ്വഹിച്ചു. ബ്ലോക്ക് പഞ്ചായത്ത് പ്രസിഡന്റ് ടി.ലത അദ്ധ്യക്ഷത വഹിച്ചു. അന്സാരി തില്ലങ്കേരി മുഖ്യാതിഥിയായിരുന്നു. പദ്ധതിയെക്കുറിച്ച് കൃഷി അസിസ്റ്റന്റ് ഡയറക്ടര് കെ.അനില വിശദീകരിച്ചു. വി.പി.ഗോവിന്ദന്, ആനക്കീല് ചന്ദ്രന്, സിജീജ, പഞ്ചായത്തംഗങ്ങളായ എം.കെ.സ്മിത, കെ.സജിത, ഥിയ, വി.വി.ചന്ദ്രന്, വി.വി.ശശി എന്നിവര് ചടങ്ങില് സംബന്ധിച്ചു. ഹരിദാസ് മംഗലശ്ശേരി സ്വാഗതം പറഞ്ഞു.
