എരുമേലി: ബസില് യാത്ര ചെയ്യുന്നതിനിടെ സ്കൂള് വിദ്യാര്ത്ഥിനിയോട് അപമര്യാദയായി പെരുമാറിയ സ്വകാര്യ ബസിന്റെ ക്ലീനര്ക്കെതിരെ എരുമേലി പോലീസ് കേസെടുത്തു.
കഴിഞ്ഞ ദിവസമായിരുന്നു സംഭവം. എരുമേലിയില് നിന്നും സ്കൂളില് പോകുന്നതിനായി ബസില് യാത്ര ചെയ്ത പെണ്കുട്ടിയുടെ കയ്യില് ക്ലീനര് അടിക്കുകയായിരുന്നുവെന്ന് പോലീസ് പറഞ്ഞു. വിദ്യാര്ത്ഥിനിയുടെ രക്ഷകര്ത്താവും സുഹൃത്തുക്കളും ചേര്ന്ന് ഇന്നലെ രാവിലെ മണിപ്പുഴ ജംഗ്ഷനില് വച്ച് സ്വകാര്യ ബസിലെ ക്ലീനറോട് സംഭവം ചോദിക്കാനെത്തിയപ്പോള് ബസ് ജീവനക്കാര് ഇവരെ മര്ദ്ദിച്ചെന്ന് നാട്ടുകാര് പറഞ്ഞു.
സംഭവത്തെ തുടര്ന്ന് എരുമേലി എസ്ഐ കെ.ആര്. സതീഷിന്റെ നേതൃത്വത്തില് പോലീസെത്തി ഇരുകൂട്ടരേയും സ്റ്റേഷനിലെത്തിക്കുകയും ക്ലീനര് പള്ളിതെക്കേതില് സുഭാഷി(26)നെതിരെ പോലീസ് കേസെടുക്കുകയും ചെയ്തു. എന്നാല് ഇത്തരത്തില് സംഭവം ഉണ്ടായിട്ടില്ലെന്നും വിദ്യാര്ത്ഥിനിയുടേത് വ്യാജ പരാതിയാണെന്നും ബസ് ജീവനക്കാരും പറഞ്ഞു.
