എരുമേലി: ഐഡിസി എസിനു കീഴിലെ അംഗന്വാടികള് പോഷകാഹാര പരിപാടിയുടെ ഭാഗമായി സംഘടിപ്പിച്ച ഭക്ഷ്യമേള കൗതുകമുണര്ത്തി. പച്ചക്കറികളും, പഴവര്ഗങ്ങളും, ഇലകളും ഉപയോഗിച്ച് നിരവധി വ്യത്യസ്തയാര്ന്ന ഭക്ഷ്യവിഭവങ്ങളാണ് മേളയില് അണിനിരത്തിയത്.
നേന്ത്രപ്പഴം കൊണ്ടുള്ള പായസവും, റേഷനരി കൊണ്ട് തയ്യാറാക്കിയ ഫ്രൈഡ്റൈസും, ചെമ്പരത്തി പൂവുകൊണ്ട് കാപ്പിയും, വാഴചുണ്ട് കൊണ്ട് കടലെറ്റുമൊക്കെ മേളയില് ഇടംപിടിച്ചു. 250 ഓളം ഭക്ഷ്യവിഭവങ്ങളാണ് മേളയില് ഒരുക്കിയത്. ക്യാരറ്റ് ഹല്വ, ചേനപായസം, അമൃതംപൊടികൊണ്ടുള്ള വിവിധ വിഭവങ്ങള് എന്നിവയും തയ്യാറാക്കിയിരുന്നു. ഇലകള് കൊണ്ട് നിര്മ്മിച്ച 25 കൂട്ടം തോരന് മേളയില് വ്യത്യസ്തമായി. വിഭവങ്ങള് കണ്ട് ആസ്വദിക്കാനും രുചിച്ചുനോക്കാനും നിരവധി നാട്ടുകാരാണ് കനകപ്പലം കമ്മ്യുണിറ്റി ഹാളില് സംഘടിപ്പിച്ച മേളയിലെത്തിയത്.
എരുമേലി പഞ്ചായത്തിലെ 47 അംഗന്വാടി കളില് നിന്നും ഏഴ് ഗ്രൂപ്പുകളായി തിരിച്ചാണ് പ്രദര്ശനം സംഘടിപ്പിച്ചത്. സോജാ ബേബി പോഷകാഹാരത്തെ സംബന്ധിച്ച് കഌസെടുത്തു. എരുമേലി പഞ്ചായത്ത് പ്രസിഡന്റ് ടി.എസ്. കൃഷ്ണകുമാര് മേള ഉദ്ഘാടനം ചെയ്തു. വാര്ഡംഗം റെജി ശശികുമാര് അധ്യക്ഷത വഹിച്ചു. സുപ്പര്വൈസര് മിനി ജോസഫ്, പഞ്ചായത്തംഗങ്ങളായ ഇ.കെ. സുബ്രഹ്മണ്യന്, പി. കെ. കുഞ്ഞമ്മ, സുധ, അംഗന്വാടി സ്റ്റാഫ് അസോസിയേഷന് സംസ്ഥാന സെക്രട്ടറി അന്നമ്മ ജോര്ജ്, പി.പി. ശോഭനകുമാരി എന്നിവര് പ്രസംഗിച്ചു.
