മുക്കം: ചെറുവാടിയില് ജനകീയ കൂട്ടായ്മ സംഘടിപ്പിച്ച ജലോല്സവ ഘോഷയാത്രയില് സി. മോയിന്കുട്ടി എംഎല്എയെ അപമാനിച്ചതായി പരാതി. ജലോല്സവത്തിന്റെ ഭാഗമായിചെറുവാടി അങ്ങാടിയില് നിന്ന് ആരംഭിച്ച ഘേഷയാത്രയുടെ മുന്നിരയിലുണ്ടായിരുന്ന എംഎല്എയുടെ പേര് പറയാതെ മറ്റൊരു എംഎല്എ യുടെയും ജനപ്രതിനിധികളൂടെയും പ്രാദേശിക നേതാക്കളുടെയും പേര് ആവര്ത്തിച്ച്അനൗണ്സ് ചെയ്യുകയും ചെയ്തതാണ് പ്രശ്നമായത്. ആസമയം അവിടെ സന്നിഹിതനല്ലാത്ത ഒരു എംഎല്എ യുടെ പേര് അനൗണ്സ് ചെയ്യുകയും തന്റെ പേര് പരാമര്ശിക്കാതിരിക്കുകയും ചെയ്തതിലാണ് എംഎല്എ യ്ക്ക് അപമാനം അനുഭവപ്പെട്ടതും ഘോഷയാത്രയില് നിന്ന് ഇറങ്ങിപ്പോകാന് പല തവണശ്രമിക്കുകയും ചെയ്തത്.
ഇത് ശ്രദ്ധയില് പെട്ട മാധ്യമ പ്രവര്ത്തകര് രംഗംപകര്ത്താന് ശ്രമിച്ചു. ഇതില് പ്രകോപിതരായ സംഘാടകരില് ചിലര് മാധ്യമ പ്രവര്ത്തകരെ കയേറ്റം ചെയ്യുകയായിരുന്നു. പ്രാദേശിക ടെലിവിഷന് ചാനലുകളായ ടീം വിഷന്റെ റിപ്പോര്ട്ടര് ശശികുമാര്, സിടിവിയുടെ ക്യാമറാമാന് ഡാനിഷ് സുബൈര് എന്നിവരാണ് കയ്യേറ്റത്തിനിരയായത്.
ഇവരുടെ ക്യാമറകള് നശിപ്പിക്കാനും ശ്രമമുണ്ടായി ഒടുവില് സംഘാടകര് ഇടപെട്ട് എംഎല്എയുടെ് പേര് അനൗണ്സ് ചെയ്യാന് തുടങ്ങി.
