കോഴിക്കോട്: ഭാരതീയ ഇതിഹാസകാവ്യങ്ങളെ വിദേശികള്‍ വിശാല വീക്ഷണത്തോടെയാണ് കാണുന്നതെന്ന് വിദേശ സര്‍വ്വകലാശാലകളില്‍ വിസിറ്റിംഗ് പ്രൊഫസറായി സേവനമനുഷ്ഠിക്കുന്ന സി. രാജേന്ദ്രന്‍ അഭിപ്രായപ്പെട്ടു. ഭാഷാ സമന്വയവേദി സംഘടിപ്പിച്ച കെ. ഗോപാലകൃഷ്ണന്‍ സ്മാരക സംവത്സര പ്രഭാഷണത്തില്‍ ഭാരതീയ സംസ്‌ക്കാരവും സംസ്‌കൃതിയും വിദേശികളുടെ വിചിന്തനം എന്ന വിഷയത്തില്‍ സംസാരിക്കുകയായിരുന്നു അദ്ദേഹം. ഇന്ത്യന്‍ ആത്മീയതയുടെ സൂക്ഷമങ്ങളായ അനുരണങ്ങള്‍ പാശ്ചാത്യ റൊമാന്റിക് കവിതകളില്‍ തുടിച്ചു നില്‍ക്കുന്നുണ്ട്. ഗൗതമബുദ്ധന്റെ സാരതത്വങ്ങള്‍ ലോകത്തിന് വഴികാട്ടിയിട്ടുണ്ട് എന്നും പ്രൊഫ.രാജേന്ദ്രന്‍ അഭിപ്രായപ്പെട്ടു. വിദേശരാഷ്‌ട്രങ്ങള്‍ മുഴുവന്‍ ഭാരതീയ സംസ്‌ക്കാരത്തെ മാനിക്കുന്നു. ഇന്തോനേഷ്യയ്‌ക്ക് അവരുടെതായ ഒരു രാമായണമുണ്ട്. ഭാരതത്തിന്റെ സദാചാരവിശ്വാസത്തെ മാനുഷ്യരാശി മുഴുവന്‍ ഉദ്ഘാഷിക്കുന്നു. ലോക സംസ്‌ക്കാരത്തിന്റെ ചരിത്രത്തില്‍ ഭാരതത്തിന് വലിയസ്ഥാനമാനമാണുള്ളത്. ഭാരതീയ ആത്മീയതയുടെ തുടിപ്പുകളുടെ ആദിപ്രഭാവം ഭാരതീയ ഉപനിഷത്തുക്കളാണ്. അതു കൊണ്ടുതന്നെ ഇന്ത്യയുടെ ഇതിഹാസകാവ്യങ്ങളെ വിദേശികള്‍ വിശാല വീക്ഷണത്തോടെയാണ് എടുക്കുന്നത്. പഞ്ചതന്ത്രം നടത്തിയ ജൈത്രയാത്ര ചരിത്രം സൃഷ്ടിച്ചുവെന്നും അദ്ദേഹം കൂട്ടിച്ചേര്‍ത്തു. ഡോ. പി.കെ. രാധാമണി അദ്ധ്യക്ഷത വഹിച്ചു. ഡോ. എം. ശ്രീകല രചിച്ച ”ടോള്‍സ്റ്റോയ് കൃതികളിലെ അനശ്വര സ്ത്രീ കഥാപാത്രങ്ങള്‍” എന്ന പുസ്തകം നോവലിസ്റ്റ് ഇന്ദുമേനോന്‍ പ്രകാശനം ചെയ്തു. ഡോ. സി. രാജേന്ദ്രന്‍ രചിച്ച ”സഞ്ജയന്‍ നിരൂപണത്തിലെ നാവോത്ഥാന സ്വരം” എന്ന പുസ്തകം ഡോ. ആര്‍സു പ്രകാശനം ചെയ്തു. പ്രൊഫ.ജോബ്കാട്ടൂര്‍ ആദ്യ പ്രതി ഏറ്റുവാങ്ങി. ഇന്ദുമേനോന്‍, ഡോ. ശ്രീകല എന്നിവര്‍ സംസാരിച്ചു. ഡോ.പി.കെ. ചന്ദ്രന്‍ സ്വാഗതവും. പ്രൊഫ. ജോബ് കാട്ടൂര്‍ നന്ദിയും പറഞ്ഞു.
ലോക സംസ്‌ക്കാര ചരിത്രത്തില്‍ ഭാരതത്തിന് ഉയര്‍ന്ന സ്ഥാനം: പ്രൊഫ. സി. രാജേന്ദ്രന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.