ചങ്ങനാശേരി: ഇരുകിഡ്നികളും തകരാറിലായ ഓട്ടോറിക്ഷാ ഡ്രൈവര് ജീവന് നിലനിര്ത്തുന്നതിനായി ഉദാരമതികളുടെ സഹായത്തിനായി കൈ നീട്ടുന്നു. നിര്ദ്ധന കുടുംബാംഗമായ തൃക്കൊടിത്താനം കോലേട്ടുപടി മണിമുറിവീട്ടില് ഓമനക്കുട്ടന് ആണ് ഇരു കിഡ്നികളും തകരാറിലായി സുമനസ്സുകളുടെ സഹായം അഭ്യര്ത്ഥിക്കുന്നത്. ചങ്ങനാശേരി ടൗണില് വര്ഷങ്ങളായി ഓട്ടോറിക്ഷാ ഓടിച്ചാണ് ഓമനക്കുട്ടന് ഉപജീവനമാര്ക്ഷം നടത്തിവന്നത്. ഏഴുവര്ഷം മുന്പാണ് ഓമനക്കുട്ടന്റെ കിഡ്നിക്ക് തകരാറുണ്ടെന്ന് കോട്ടയം മെഡിക്കല് കോളേജിലെ പരിശോധനയില് അറിഞ്ഞത്. ഇതേ ആശുപത്രിയില് ഡോ.ജയകുമാറിന്റെ കീഴില് ചികിത്സയില് ആയിരുന്നു. ഇപ്പോള് രണ്ടു കിഡ്നികളും പൂര്ണ്ണമായി തകരാറിലായതോടെ ഇരുകിഡ്നികളും മാറ്റി വയ്ക്കണമെന്ന് കോട്ടയം മെഡിക്കല് കോളേജിലെ നെഫ്രോളജി വിഭാഗം മേധാവി ഡോ.ജയകുമാര് അറിയിക്കുകയായിരുന്നു. ഭാരിച്ച സാമ്പത്തിക ബാധ്യതവരുമെന്നതിനാല് ഓമനക്കുട്ടനും കുടുംബവും ഇതിനു തയ്യാറായില്ലായിരുന്നു. ഇപ്പോള് ജീവന് നിലനിര്ത്തണമെങ്കില് കിഡ്നി മാറ്റിവച്ചേ കഴിയൂ എന്ന് ഡോക്ടര് അറിയിക്കുകയായിരുന്നു. ഇതേ തുടര്ന്ന് ഓട്ടോറിക്ഷാ തൊഴിലാളി യൂണിയന് സി.ഐ.റ്റി.യു ചങ്ങനാശേരി ഏരിയാ കമ്മിറ്റിയുടെ നേതൃത്വത്തില് 16ന് ബുധനാഴ്ച ചങ്ങനാശേരിയിലെ വ്യാപാര സ്ഥാപനത്തിലും ഓട്ടോറിക്ഷാ തൊഴിലാളികളില് നിന്നും ഓമനക്കുട്ടന് ജീവന് രക്ഷാഫണ്ട് ശേഖരിക്കുമെന്നു യൂണിയന് പ്രസിഡന്റ് പ്രഫ.എം.ഡി ജോസഫ്, സെക്രട്ടറി ടി.പി അജികുമാര് എന്നിവര് അറിയിച്ചു. ഓമനക്കുട്ടനെ സഹായിക്കുന്നതിനായി ചങ്ങനാശേരി കാനറ ബാങ്കില് അക്കൗണ്ട് തുറന്നിട്ടുണ്ട്. അക്കൗണ്ട് നമ്പര് 0705101074204.
ഇരുകിഡ്നികളും തകരാറിലായ ഓട്ടോഡ്രൈവര് സഹായം അഭ്യര്ത്ഥിക്കുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.