കൊച്ചി: അഹോബില മഠാധിപതി 46-ാമത് അഴകിയസിംഗര് ശ്രീമദ് സടഗോപ ശ്രീ രംഗനാഥ യതീന്ദ്ര മഹാദേശികന് കൊച്ചിയിലെത്തി. എറണാകുളം കിണറ്റിന്കര സമൂഹമഠത്തിലെത്തിയ സ്വാമിയെ വിവിധ ബ്രാഹ്മണ സഭകളുടെ നേതൃത്വത്തില് സ്വീകരിച്ചു. ആര്. നടരാജന്, കെ. കൃഷ്ണന്, ജി.ആര്. അയ്യര്, കെ. ലക്ഷ്മീ നാരായണന്, കെ. വിശ്വനാഥന്, പി.കെ. രാമചന്ദ്രന് എന്നിവര് നേതൃത്വം നല്കി. തുടര്ന്ന് ശാരദ കല്ല്യാണ മണ്ഡപത്തില് പൂജയും അനുഗ്രഹ പ്രഭാഷണവും നടന്നു. സര്വ്വചരാചരങ്ങളെയും ഈശ്വരന് സൃഷ്ടിച്ചിരിക്കുന്നത് ഭൂമിയുടെ സന്തുലിതാവസ്ഥ നിലനിര്ത്താന് ഉതകുന്ന തരത്തിലാണെന്ന് സ്വാമി പറഞ്ഞു. ജന്മം കൊണ്ട് മാത്രമല്ല കര്മം കൊണ്ടും ബ്രാഹ്മണ്യത്തിന്റെ മാഹാത്മ്യം കാത്തുസൂക്ഷിക്കണമെന്നും സ്വാമി കൂട്ടിച്ചേര്ത്തു. ഇന്നും നാളെയും സ്വാമി കൊച്ചിയിലുണ്ടാകും. എറണാകുളം ഗ്രാമജന സമൂഹ മഠം, കേരള ബ്രാഹ്മണ സഭ സിറ്റി യൂണിറ്റ്, എറണാകുളം കിണറ്റിന്കര സമൂഹമഠം എന്നിവരാണ് സ്വീകരണമൊരുക്കിയത്.
അഹോബില മഠാധിപതിക്ക് സ്വീകരണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.