മുണ്ടക്കയം: തോട്ടില് മനുഷ്യ തലയോട്ടി കണ്ടെത്തി. ദേശീയ പാതയില് ചോറ്റിയ്ക്ക് സമീപം നിര്മ്മലാരം പെരുംചിര പാലത്തിനടിയിലാണ് മനുഷ്യന്റെ തലയോട്ടി കണ്ടെത്തിയത്. നാട്ടുകാര് വിവരമറിയിച്ചതിന്റെ അടിസ്ഥാനത്തില് മുണ്ടക്കയം എസ്.ഐ എ.എസ് മനോജ്കുമാറിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി. തുടര്ന്ന് സ്ഥലത്തെത്തിയ ഫോറന്സിക് വിഭാഗത്തിന്റെ പരിശോധനക്ക് ശേഷം ഇന്ക്വസ്റ്റ് തയ്യാറാക്കി കോട്ടയം മെഡിക്കല് കോളജിലേക്ക് മാറ്റി. രണ്ടടി താഴ്ച്ചയുള്ള ഇടുങ്ങിയ തോട്ടിലാണ് കാലപഴക്കം ചെന്ന തലയോട്ടി കണ്ടത്. സമീപ പ്രദേശത്ത് സ്ഥരമായി മാലിന്യങ്ങള് നിക്ഷേപിക്കുന്നതിനാല് മറ്റ് സ്ഥലങ്ങളില് നിന്നും കൊണ്ടുവന്നതായിരിക്കാമെന്ന് നാട്ടുകാര് പറയുന്നു. തലയോട്ടിയുടെ സമീപത്ത് പ്ലാസ്റ്റിക് സഞ്ചിയില് മാലിന്യം നിക്ഷേപിച്ചതായി കാണാം.
തോട്ടില് തലയോട്ടി കണ്ടെത്തി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.