കാഞ്ഞിരപ്പള്ളി: ലോക പ്രമേഹ വാരാചരണ സമാപനത്തിന്റെ ഭാഗമായി ജനറല് ആശുപത്രിയുടെ നേതൃത്വത്തില് തദ്ദേശ സ്വയംഭരണ സ്ഥാപനങ്ങളുടെയും ജനമൈത്രി പൊലീസ്, റസിഡന്റ്സ് അസോസിയേഷന് എന്നിവയുടെ സഹകരണത്തോടെ കൂട്ട നടത്തം സംഘടിപ്പിച്ചു.
രാവിലെ എട്ടിന്് പൊന്കുന്നം പൊലീസ് സ്റ്റേഷന് അങ്കണത്തില് നിന്നാരംഭിച്ച കൂട്ട നടത്തം സി.ഐ ആര്.ജോസ് ഫഌഗ് ഓഫ് ചെയ്തു. നൂറുകണക്കിനാളുകള് കുട്ട നടത്തത്തില് പങ്കെടുത്തു. നടത്തം ജനറല് ആശുപത്രി വളപ്പില് സമാപിച്ച ശേഷം നടന്ന സമ്മേളനം ചിറക്കടവ് ഗ്രാമ പഞ്ചായത്ത് പ്രസിഡന്റ് ജയാ ശ്രീധര് ഉദ്ഘാടനം ചെയ്തു വാഴൂര് ബ്ലോക്ക് പഞ്ചായത്ത് പ്രസിഡന്റ്കെ.പി.ബാലഗോപാലന് നായര്, ജനറല് ആശുപത്രി സൂപ്രണ്ട് ഡോ. ബാബു സെബാസ്റ്റിയന്, ഐഎംഒ യൂണിറ്റ് പ്രസിഡന്റ് ഡോ.ടി.കെ.തോമസ് എന്നിവര് പ്രസംഗിച്ചു. ഡോ.ടി.കെ. ഗോപിനാഥ പിള്ള ക്ലാസ് നയിച്ചു.
പ്രമേഹം ഉള്പ്പടെയുള്ള ജീവീത ശൈലീ രോഗങ്ങളെ പ്രതിരോധിക്കാന് വ്യായാമത്തിന്റെ ആവശ്യകതയെ കുറിച്ച് ജനങ്ങളെ ബോധവല്ക്കരിക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചതെന്ന് ആശുപത്രി സൂപ്രണ്ട് ഡോ. ബാബു സെബാസ്റ്റിയന് അറിയിച്ചു. പരിപാടികള്ക്ക് ബ്ലോക്ക് പഞ്ചായത്തംഗം എ.എന്.സാഗര്, പാറത്തോട് സര്വ്വീസ് സഹകരണ ബാങ്ക് പ്രസിഡന്റ് ജോണിക്കുട്ടി മഠത്തിനകം , പൊന്കുന്നം എസ്ഐ എം.കെ.ഷെമീര്, ഡോ.സി.എന്. വേണുഗോപാല്, ഡോ. ജോ മാനുവല്, ഡൊമിനിക് ആന്റണി, സി.കെ.രാമചന്ദ്രന് നായര് , കെ.ജി കണ്ണന്, ഷാജി പാമ്പൂരി, സുമേഷ് ആന്ഡ്രൂസ് എന്നിവരും ആശുപത്രിയിലെ ഡോക്ടര്മാരും നേതൃത്വം നല്കി
