കൊച്ചി: തദ്ദേശ സ്വയംഭരണ സ്ഥാപനങ്ങളിലേക്ക് നടക്കുന്ന തെരഞ്ഞെടുപ്പ് ഇടത്-വലത് മുന്നണികള്ക്കുള്ള താക്കീതും വരാനിരിക്കുന്ന നിയമസഭ തെരഞ്ഞെടുപ്പിന്റെ സെമിഫൈനലുമാണെന്ന് ബിജെപി ജില്ലാ ജനറല് സെക്രട്ടറി എന്.പി.ശങ്കരന്കുട്ടി പറഞ്ഞു. ഇരുമുന്നണികളെയും പരീക്ഷിച്ചു നിരാശരായ ജനങ്ങള് ബിജെപിയിലാണ് പ്രതീക്ഷ അര്പ്പിച്ചിരിക്കുന്നത്.
നരേന്ദ്രമോദി കൊച്ചിക്കനുവദിച്ച സ്മാര്ട്ട്സിറ്റി പദ്ധതി യാഥാര്ത്ഥ്യമാക്കാന് ബിജെപി കൗണ്സിലര്മാര് വിജയിക്കേണ്ടതുണ്ട്. ഈ തെരഞ്ഞെടുപ്പ് ഗുണകരമായ മാറ്റത്തിന് വഴിതുറക്കുമെന്നും അദ്ദേഹം പറഞ്ഞു.
ഇടപ്പള്ളി 37-ാം ഡിവിഷന്ബിജെപി സ്ഥാനാര്ത്ഥി കെ.എസ്.സുരേഷ് കുമാറിന്റെ തെരഞ്ഞെടുപ്പ് കണ്വെന്ഷന് ശ്രീനാരായണ ഗുരു സ്മാരക മന്ദിരത്തില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജനറല് കണ്വീനര് ശ്രീറാം അയ്യര് അദ്ധ്യക്ഷത വഹിച്ചു.
ബിജെപി എറണാകുളം നിയോജകമണ്ഡലം പ്രസിഡന്റും 37-ാം ഡിവിഷന് സ്ഥാനാര്ത്ഥിയുമായ കെ.എസ്.സുരേഷ് കുമാര്, ഏരിയ പ്രസിഡന്റ് വിനോദ് നന്ദനം, ജനറല് സെക്രട്ടറി നന്ദകുമാര്, വൈസ് പ്രസിഡന്റ് സി.കെ.ഗോവിന്ദന് കുട്ടി, സെക്രട്ടറി കെ.ശ്രീകുമാര്, വിഎച്ച്പി താലൂക്ക് പ്രസിഡന്റ് ഡി.വി.കുറുപ്പ്, എസ്എന്ഡിപി പോണേക്കര ശാഖ സെക്രട്ടറി ശിവദാസന്, ആര്എസ്എസ് നഗര് സംഘചാലക് കെ.രാജഗോപാല്, സേവാ പ്രമുഖ് പി.പി.പ്രദീപ്, 35-ാം ഡിവിഷന് സ്ഥാനാര്ത്ഥി ഷാലി വിനയന്, 38-ാം ഡിവിഷന് സ്ഥാനാര്ത്ഥി ഡോ.കെ.രാജീവ്, ഡിവിഷന് ജോയിന്റ് കണ്വീനര് അഡ്വ.വിവേകാനന്ദന്, വേണുഗോപാല്, സുരേഷ്, പ്രദീപ് സി., വെങ്കിടേശ്വര പൈ തുടങ്ങിയവര് പ്രസംഗിച്ചു.
