കൊച്ചി: കോര്‍പ്പറേഷന്‍ 62-ാം ഡിവിഷന്‍ (എറണാകുളം സൗത്ത്) ലെ ബി.ജെ.പി. സ്ഥാനാര്‍ത്ഥി ടി.കെ.നാരായണസ്വാമി (സുന്ദരം) യുടെ വിജയത്തിന് കേരള ബ്രാഹ്മണസഭ എല്ലാ പിന്തുണയും നല്കുമെന്ന് സഭാ സിറ്റി യൂണിറ്റ് സെക്രട്ടറി അനന്തനാരായാണന്‍ പറഞ്ഞു.
സഭ ആവശ്യപ്പെട്ടതനുസരിച്ചാണ് വിജയസാദ്ധ്യതയുള്ള സീറ്റ് ബി.ജെ.പി നല്കിയത്. അതുകൊണ്ടുതന്നെ നാരായണസ്വാമിയുടെ ജയം ഉറപ്പാക്കാന്‍ ബ്രാഹ്മണസഭയ്‌ക്ക് ഉത്തരവാദിത്വമുണ്ടെന്ന് അനന്തനാരായണന്‍ പറഞ്ഞു.
മറ്റ് സമുദായ, മതസംഘടനകളും നേതാക്കളുമായി നാരായണസ്വാമിക്ക് വോട്ട് ഉറപ്പാക്കാന്‍ ബന്ധപ്പെടുമെന്ന് തെരഞ്ഞെടുപ്പ് കമ്മിറ്റി ജനറല്‍ കണ്‍വീനര്‍ സി.കെ.രാമചന്ദ്രന്‍ അറിയിച്ചു. നാരായണസ്വാമിയുടെ പ്രചാരണപ്രവര്‍ത്തനങ്ങള്‍ ഒന്നാംഘട്ടം പിന്നിട്ടു. മികച്ച പ്രതികരണമാണ് സ്ഥാനാര്‍ത്ഥിക്ക് ലഭിക്കുന്നതെന്നും രാമചന്ദ്രന്‍ അറിയിച്ചു.
