ചാത്തന്നൂര്: അരുവിക്കര തെരഞ്ഞെടുപ്പോടെ കേരളത്തിലെ ഇരുമുന്നണികളുടെയും അടിത്തറയിളക്കാന് ബിജെപിക്ക് സാധിച്ചുവെങ്കില് ഇരുമുന്നണികളുടെയും അടിത്തറ തകര്ക്കുന്ന ഫലമാകും ത്രിതല പഞ്ചായത്ത് തെരഞ്ഞെടുപ്പില് ഉണ്ടാകുകയെന്ന് ബിജെപി ദേശീയസമിതിയംഗം ശോഭാസുരേന്ദ്രന് പറഞ്ഞു.
ചാത്തന്നൂര് മീനാട് നടന്ന രാഷ്ട്രീയവിശദീകരണ യോഗത്തില് സംസാരിക്കുകയായിരുന്നു അവര്.
ലോകത്ത് പുരോഗതിയിലേക്ക് അതിവേഗം കുതിക്കുന്ന രാജ്യം ഭാരതമാണ്. പ്രധാനമന്ത്രി നരേന്ദ്രമോദി നടത്തുന്ന ഓരോ വിദേശയാത്രയും ഭാരതത്തിന്റെ പരംവൈഭവത്തിലേക്കുള്ള ചുവടുവയ്പുകളാണ്. അത് ലോകത്തെ അത്ഭുതപ്പെടുത്തുന്നു. രാഷ്ട്രീയപ്രതിയോഗികളെ അമ്പരപ്പിക്കുന്നു. ലോകം അറിഞ്ഞു തന്നെയാണ് പ്രധാനമന്ത്രി യാത്ര ചെയ്യുന്നത്. പ്രതിപക്ഷ പാര്ട്ടിയായ കോണ്ഗ്രസിന്റെ നേതാവ് രാഹുല്ഗാന്ധി വിദേശരാജ്യങ്ങളില് രഹസ്യമായി പോകുന്നത് എന്തിനാണെന്ന് വ്യക്തമാക്കില്ല. ബിജെപി സര്ക്കാര് അധികാരത്തില് വന്നതിനുശേഷം നടപ്പാക്കിയ പദ്ധതികള് എല്ലാം ജനങ്ങള് ഏറ്റെടുത്തു. അത്കൊണ്ട് ഭാരതത്തില് എന്ന പോലെ കേരളത്തിലും മാറ്റം ഉണ്ടായി കഴിഞ്ഞു.
മണ്ഡലം ജനറല് സെക്രട്ടറി എസ്.പ്രശാന്ത് അധ്യക്ഷത വഹിച്ചു. ദക്ഷിണമേഖലാ ജനറല്സെക്രട്ടറി എം.എസ്.ശ്യാംകുമാര്, ജില്ലാ സെക്രട്ടറി ബി.ഐ.ശ്രീനാഗേഷ്, ജില്ലാ സമിതിയംഗം ചാത്തന്നൂര് സുരേഷ്, മണ്ഡലം ജനറല് സെക്രട്ടറി ശ്രീകുമാര്, മീനാട് വാര്ഡംഗം ബീനാരാജന്, സുബി പ്രഭാകരന്, സജീഷ് പൂതകുളം എന്നിവര് സംസാരിച്ചു.
