കാഞ്ഞിരപ്പള്ളി: ഇടച്ചോറ്റി സരസ്വതി ദേവീക്ഷേത്രത്തില് നവരാത്രി ആഘോഷങ്ങള് 13 മുതല് 23 വരെ നടത്തും.
13ന് ഉച്ചകഴിഞ്ഞ് രണ്ടിന് മന്ത്രി തിരുവഞ്ചൂര് രാധാകൃഷ്ണന് ആഘോഷ പരിപാടികള് ഉദ്ഘാടനം ചെയ്യും. ശിവഗിരിമഠാധിപതി പ്രകാശാനന്ദ സ്വാമികള് ഭദ്രദീപം തെളിക്കും. ക്ഷേത്രം രക്ഷാധികാരി പുത്തൂര് പരമേശ്വരന് നായര് അധ്യക്ഷത വഹിക്കും. മുഖ്യകാര്യദര്ശി സാബു സ്വാമി ആമുഖപ്രസംഗം നടത്തും.ടി. ആര്. രാമനാഥന് വടക്കന്പറവൂര്, വിഎച്ച്പി സംസ്ഥാന സേവാപ്രമുഖ് ബി. രാധാകൃഷ്ണന്, പത്മനാഭ സ്വാമി തേനി എന്നിവര് പ്രഭാഷണങ്ങള് നടത്തും. പി. സി. ജോര്ജ് എംഎല്എ യജ്ഞസന്ദേശം നല്കും. കഴിഞ്ഞ എസ്എസ്എല്സി, പ്ലസ് ടു പരീക്ഷകളില് ഉയര്ന്ന മാര്ക്ക് വാങ്ങിയ കുട്ടികള്ക്ക് എസ്എന് ട്രസ്റ്റ് ഡയറക്ടര് ബോര്ഡംഗം ലാലിറ്റ് എസ്. തകിടിയേല് ക്യാഷ് അവാര്ഡ് വിതരണം ചെയ്യും.
13ന് പൊന്കുന്നം പുതിയകാവ് ദേവീക്ഷേത്രത്തില് നിന്നും കൊണ്ടുവരുന്ന കൊടിമരവും ഭദ്രദീപവും ഉച്ചയ്ക്ക് ഒന്നിന് ഇടച്ചോറ്റിയില് എത്തിച്ച് ഘോഷയാത്രയായി ക്ഷേത്രാങ്കണത്തില് എത്തും. 14ന് രാവിലെ 5.30 ന് മഹാഗണപതിഹോമം, 6.30ന് ലളിതാസഹസ്രനാമം, ഏഴിന് സമൂഹപ്രാര്ഥന തുടര്ന്ന് ദേവീഭാഗവത പാരായണം, 11.30 ന് പ്രഭാഷണം, ഒന്നിന് പ്രസാദമൂട്ട് തുടര്ന്ന് രണ്ടു മുതല് പാരായണം ആരംഭിക്കും. വൈകിട്ട് 6.30ന് ദീപാരാധന, ഭജന. 19ന് വൈകിട്ട് ഏഴിന് ഓട്ടന്തുള്ളല്.
20ന് വൈകിട്ട് ഏഴിന് നൃത്തനൃത്യങ്ങള്, ദുര്ഗാഷ്ടമി ദിവസമായ 21ന് വൈകിട്ട് 3.30ന് കുമാരിപൂജ, ആറിന് പൂജവെയ്പ്പ്, 6.30 ന് ദീപാരാധന ഏഴിന് ഓട്ടന്തുള്ളല്. മഹാനവമി ദിവസമായ 22ന് രാവിലെ 9.30ന് മഹാസര്വ്വൈശ്വര്യ പൂജ, 10.30ന് ഘോഷയാത്ര, ഒന്നിന് ആചാര്യദക്ഷിണ, പ്രസാദമൂട്ട്. വൈകിട്ട് ഏഴിന് ശീതങ്കന്തുള്ളല്.
23ന് രാവിലെ ആറിന് പൂജയെടുപ്പ്, മഹാഅര്ച്ചന. രാവിലെ മുതല് നടത്തുന്ന വിദ്യാരംഭ ചടങ്ങില് സാബു സ്വാമി, യജ്ഞാചാര്യന്, സി. കെ. പ്രേമചന്ദ്രന്, പുത്തൂര്പരമേശ്വരന് നായര് എന്നിവര് കുട്ടികളെ എഴുത്തിനിരുത്തും.
