പൊന്കുന്നം : അഴിമതിയില്ലാത്ത സദ്ഭരണം ചിറക്കടവില് ജനങ്ങള് ആഗ്രഹിക്കുന്നു. അതിനായി അവര് ബിജെപിയെ അധികാരത്തില് എത്തിക്കുമെന്ന് ബിജെപി ജില്ലാ പ്രസിഡന്റ്ഏറ്റുമാനൂര് രാധാകൃഷ്ണന്. പൊന്കുന്നത്ത് ബിജെപിയുടെ ചിറക്കടവ് പഞ്ചായത്ത് ഇലക്ഷന് കണ്വന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചിറക്കടവില് ബിജെപി അധികാരത്തിലെത്തിയാല് കേന്ദ്ര സര്ക്കാരിന്റെ സഹായത്തോടെ വികസന വിപ്ലവം സാദ്ധ്യമാക്കും. ഇടതു-വലതു മുന്നണികള് യോജിച്ചാലും ചിറക്കടവില് ബിജെപി പരാജയപ്പെടാത്ത ശക്തിയായി മാറിയതായി ഏറ്റുമാനൂര് രാധാകൃഷ്ണന് പറഞ്ഞു.
യോഗത്തില് പഞ്ചായത്ത് കമ്മറ്റി പ്രസിഡന്റ് വിജു മണക്കാട്ട് അദ്ധ്യക്ഷത വഹിച്ചു. നിയോജകമണ്ഡലം പ്രസിഡന്റ് കെ.ജി. കണ്ണന്, ആര്എസ്എസ് വിഭാഗ് സേവാ പ്രമുഖ് കെ.പി. സുരേഷ്, ജില്ലാ കമ്മറ്റിയംഗം എ.എസ്. റെജികുമാര്, പഞ്ചായത്ത് ജനറല് സെക്രട്ടറി എം.ജി. വിനോദ് തുടങ്ങിയവര് സംസാരിച്ചു.
ഗ്രാമപഞ്ചായത്ത് സ്ഥാനാര്ത്ഥികളായി വാര്ഡ് 1. ശ്രീദേവി ശിവപ്രസാദ്, 2. ലതാ ബിജു, 3. ബിജു കൊറ്റാരത്തില്, 4. ഉഷാ കൃഷ്ണപിള്ള, 5. കെ.ജി.കണ്ണന്, 6. സുബിത ബിനോയി, 7. ഷിനുമോള് പ്രദീപ്, 8. സോമ അനീഷ്, 9. രാജേഷ് കര്ത്ത, 10. ഹരി പീലിയാനിക്കല്, 11. ശ്രീലേഖ ടീച്ചര്, 12. ബിന്ദു കെ.ജി., 13. രാജി ടീച്ചര്, 14. ഗോപി പാറാംതോട്, 15. വൈശാഖ് എസ്. നായര്, 16. ബിന്ദു അനില്, 17. എസ്. ശ്രീലാല്, 18. ഉഷാ ശ്രീകുമാര്, 19. കെ.ബി. മനോജ്, 20. ഓമന ദാസ്. വാഴൂര് ബ്ലോക്ക് പഞ്ചായത്ത് പൊന്കുന്നം ഡിവിഷന്- പി. പ്രസാദ്, ചിറക്കടവ് ഡിവിഷന്- ഷീബാ സാബു, കമ്മോടത്ത്. ചെറുവള്ളി ഡിവിഷന് – ജയ ടീച്ചര് ചിറയ്ക്കപുതുവലില് എന്നിവരെ പ്രഖ്യാപിച്ചു.
