കൊച്ചി: കേന്ദ്ര സര്ക്കാര് നടപ്പിലാക്കുന്ന മിഷന് ഇന്ദ്രധനുസ്സ് പദ്ധതിയുടെ ജില്ലാതല ഉദ്ഘാടനം ഇന്ന് എറണാകുളം ജനറല് ആശുപത്രിയില് നടക്കുമെന്ന് ജില്ലാ മെഡിക്കല് ഓഫീസര് ഡോ. എന്.കെ. കുട്ടപ്പന് വാര്ത്താ സമ്മേളനത്തില് പറഞ്ഞു. രാവിലെ 10.30 ന് ചലച്ചിത്രതാരം ഡോ. റാണി ഡേവിഡ് ഉദ്ഘാടനം ചെയ്യും. രണ്ട് വയസില് താഴെയുളള കുട്ടികള്ക്കും ഗര്ഭിണികള്ക്കും രോഗപ്രതിരോധ വാക്സിനുകള് നല്കി മാരക രോഗങ്ങളില് നിന്നും സുരക്ഷ ഉറപ്പാക്കുക എന്നതാണ് പരിപാടിയുടെ ലക്ഷ്യം. വാക്സിനുകള് ഇതുവരെ എടുക്കാത്തതോ,’ഭാഗികമായി സ്വീകരിച്ചതോ ആയവരെ പ്രത്യേക വാക്സിനേഷന് പരിപാടിയിലൂടെ കണ്ടെത്തുകയും വാകസിന് നല്കുകയും ചെയ്യും. വാക്സിനേഷന് നല്കേണ്ട കുട്ടികളുടെയും ഗര്ഭിണികളുടെയും എണ്ണം ആശപ്രവര്ത്തകര്, അംഗന്വാടി പ്രവര്ത്തകര്, പബ്ലിക് ഹെല്ത്ത് നേഴ്സുമാര് എന്നിവര് വഴി ശേഖരിച്ചു വരികയാണ്. ഇതു വരെയുളള കണക്കുകള് പ്രകാരം ജില്ലയില് രണ്ട് വയസില് താഴെയുളള 1833 കുട്ടികള്ക്കും, 534 ഗര്ഭിണികള്ക്കും വാക്സിനുകള് നല്കും. രണ്ടിനും അഞ്ച് വയസ്സിനും ഇടയില് പ്രായമുളള 1763 കുട്ടികള്ക്കും മിഷന് ഇന്ദ്രധനുസ്സിന്റെ ‘ഭാഗമായി വാക്സിനേഷന് നല്കും. ആരോഗ്യ കേരളം ജില്ലാ പ്രോഗ്രാം മാനേജര് ഡോ.ഹസീന മുഹമ്മദ്, ഐഎപി പ്രസിഡന്റ് ഡോ. എം നാരായണന്, ആര്സിഎച്ച് ഓഫീസര് ഡോ. ആര് ശാന്തകുമാരി എന്നിവര് വാര്ത്താസമ്മേളനത്തില് പങ്കെടുത്തു.
കേന്ദ്രപദ്ധതി മിഷന് ഇന്ദ്രധനുസിന് ഇന്ന് തുടക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.