ആലുവ: ഡിജിറ്റല് സഹായത്തോടെ പുതുതലമുറ നിയമങ്ങളെക്കുറിച്ചും നിയമലംഘനങ്ങളെക്കുറിച്ചും നിമിഷ നേരം കൊണ്ട് മനസിലാക്കുന്ന ഡിജിറ്റല് യുഗത്തില് പോലീസും ആ സമൂഹത്തോടേപ്പം ഉയര്ന്നുവെന്നു വ്യവസായ വിവര സാങ്കേതിക വകുപ്പ് മന്ത്രി പി.കെ. കുഞ്ഞാലിക്കുട്ടി പറഞ്ഞു.
ആലുവയില് കേരള പോലീസ് ഓഫീസേഴ്സ് അസോസിയേഷന് 28 സംസ്ഥാന സമ്മേളനത്തോടനുബന്ധിച്ച് നടന്ന ‘നിയമപരിപാലനവും സമൂഹവും ‘ എന്ന സെമിനാര് ഉദ്ഘാടനം ചെയ്തു സംസാരിക്കുക്കയായിരുന്നദ്ദേഹം. പോലീസിന്റെ ജോലി ഭാരം കൂടുതലാണെന്നും ഇത് കുറയ്ക്കുന്നതിനുള്ള നടപടികള് ചര്ച്ച ചെയ്യും. വിദ്യ സമ്പന്നരായ ജനങ്ങള് വന്നതോടെ പോലീസിലും പരിഷ്ക്കരണം എത്തിയെന്നും മന്ത്രി കൂട്ടിച്ചേര്ത്തു.
അസോസിയേഷന് സംസ്ഥാന പ്രസിഡന്റ് ടി.പി.സുമേഷ് അദ്ധ്യക്ഷത വഹിച്ചു. ഇന്റലിജന്സ് എ.ഡി.ജി.പി. എ.ഹേമചന്ദ്രന് വിഷയവയാവതരണം നടത്തി. സാജൂ പോള് എം.എല്.എ, മനോരമ ന്യൂസ് ഡയക്ടര് ജോണി ലൂക്കോസ് , ഐ.എം .എ കൊച്ചിന് ചാപ്റ്റര് പ്രസിഡന്റ് ഡോ.സണ്ണി ഒരേത്തല്, മാത്യഭൂമി ന്യൂസ് എഡിറ്റര് ലേബി സജീന്ദ്രന്, രങ്കദാസ് പ്രഭു, കെ.പി.അബ്ദുല്റഹ്മാന് എന്നിവര് സംസാരിച്ചു.
