കോട്ടയം: കാരപ്പുഴ അഗ്രോഫെഡിന്റെ നേഴ്സറിയില് സാമൂഹ്യവിരുദ്ധരുടെ അഴിഞ്ഞാട്ടം. മലേഷ്യന് കുള്ളന് ഇനത്തില്പ്പെട്ട 250ഓളം തെങ്ങിന് തൈകള് മോഷണം പോവുകയും അഞ്ഞൂറോളം തൈകള് നശിപ്പിക്കുകയും ചെയ്തതായി അഗ്രോഫെഡ് പ്രസിഡന്റ് ജ്യോതിഷ് ജന്മഭൂമിയോട് പറഞ്ഞു.
ഓര്ക്കിഡ് അടക്കമുള്ള വിവിധയിനം പൂച്ചെടികള് നശിപ്പിക്കുകയും കൂറെയേറെ കടത്തിക്കൊണ്ട് പോകുകയും ചെയ്തിട്ടുണ്ട്. കൗതുകകരമായി വളര്ന്നുനിന്നിരുന്ന ഒരു തേങ്ങയില്നിന്നുണ്ടായ രണ്ട് തെങ്ങുകളും നശിപ്പിച്ചതിലുള്പ്പെടും. 1.25 ലക്ഷം രൂപയുടെ നഷ്ടം കണക്കാക്കുന്നു. വെസ്റ്റ് പോലീസ് കേസെടുത്തിട്ടുണ്ട്.
