കൊച്ചി: കൊച്ചി കോര്പ്പറേഷന് സഹകരിച്ചാല് എറണാകുളം ഓള്ഡ് റെയില്വേസ്റ്റേഷന് നവീകരണത്തിന് നിമിഷങ്ങള്ക്കുള്ളില് അനുമതി നല്കുമെന്ന് കേന്ദ്ര റെയില്വെ സഹമന്ത്രി മനോജ് സിന്ഹ വ്യക്തമാക്കി.
സ്റ്റേഷന് നവീകരിച്ച് ഒക്ടോ. 2 മുതല് സര്വീസ് നടത്തുമെന്ന് വികസനസമിതിക്ക് റെയില്വെ ഉദ്യോഗസ്ഥര് നല്കിയിരുന്ന ഉറപ്പ് പാലിക്കാത്തതിലുള്ള അതൃപ്തി മന്ത്രിയുടെ ശ്രദ്ധയില്പ്പെടുത്തിയപ്പോഴാണ് ഇക്കാര്യം വ്യക്തമാക്കിയത്.
സാമ്പത്തിക ബുദ്ധിമുട്ടനുഭവിക്കുന്ന റെയില്വെക്ക് സംസ്ഥാന സര്ക്കാരുകളുടെയോ തദ്ദേശസ്ഥാപനങ്ങളുടെയോ സഹകരണം ഇക്കാര്യത്തില് ആവശ്യമാണെന്നും സിന്ഹ പറഞ്ഞു. വികസനസമിതി ജനറല് കണ്വീനര് കെ.പി. ഹരിഹരകുമാറിന്റെയും ജോ. കണ്വീനര് സി.ജി. രാജഗോപാലിന്റെയും നേതൃത്വത്തിലുള്ള പ്രതിനിധിസംഘമാണ് റെയില്വെമന്ത്രിയുമായി ചര്ച്ച നടത്തിയത്.
