കൊട്ടാരക്കര: എന്എസ്എസിന്റെ മുഖമുദ്ര മതേതരത്വമെന്ന് ജനറല്സെക്രട്ടറി ജി. സുകുമാരന് നായര് പറഞ്ഞു. എന്.എസ്.എസ് കൊട്ടാരക്കര താലൂക്ക് യൂണിയന് നിര്മ്മിച്ച വര്ക്കിങ് വിമന്സ് ഹോസ്റ്റലിന്റെ ഉദ്ഘാടനം നിര്വഹിക്കുകയായിരുന്നു അദ്ദേഹം. രാഷ്ട്രീയപാര്ട്ടികള് ഉണ്ടാകുന്നതിനുംമുമ്പേ ഉണ്ടായ സംഘടനയാണ് എന്എസ്എസ്. രാജ്യം ഭരിക്കേണ്ടത് രാഷ്ട്രീയപ്പാര്ട്ടികളാണ്. മത-സാമുദായിക സംഘടനകളല്ല. എല്ലാ രാഷ്ട്രീയപാര്ട്ടികളും ശക്തമാകണമെന്നാണ് എന്എസ്എസ് ആഗ്രഹിക്കുന്നത്. എങ്കില് മാത്രമേ ശക്തമായ പ്രതിപക്ഷവും ഭരണപക്ഷവും ഉണ്ടാകൂ. രാഷ്ട്രീയപാര്ട്ടികളുടെ തീരുമാനങ്ങളെ വിമര്ശിക്കാനുള്ള അവകാശം ജനാധിപത്യസംവിധാനത്തില് മറ്റുള്ളവര്ക്കുളളതു പോലെ എന്എസ്എസിനുമുണ്ട്. എന്എസ്എസ് ഒരു മതത്തിനും ജാതിക്കും എതിരല്ല. ഒരിക്കല് പറഞ്ഞിട്ടുള്ള നിലപാടുകള് എതിര്പ്പുകളെ ഭയന്ന് മാറ്റിപ്പറഞ്ഞിട്ടുള്ള ചരിത്രം എന്എസ്എസിനില്ല. സംവരണേതര വിഭാഗത്തിലെ പാവപ്പെട്ടവര്ക്ക് സംവരണം നല്കണമെന്നാണ് എന്എസ്എസിന്റെ ആവശ്യം. ഒരു രാഷ്ട്രീയപാര്ട്ടികളും ഇതിന് അനൂകലമായി സംസാരിച്ചിട്ടില്ല. തെരഞ്ഞെടുപ്പടുക്കുമ്പോള് മുന്നാക്കക്കാര്ക്ക് പത്ത് ശതമാനം സംവരണം നല്കണമെന്നു പറഞ്ഞ് രംഗത്തെത്തുന്നവരെ പിന്നീടു കാണാറില്ലെന്നും സുകുമാരന് നായര് പറഞ്ഞു. താലൂക്ക് യൂണിയന് പ്രസിഡന്റ് ഹൈലാന്ഡ് ആര്. രാജേന്ദ്രന്പിള്ളഅധ്യക്ഷനായിരുന്നു. എന്എസ്എസ് നായക സഭാംഗങ്ങളായ കലഞ്ഞൂര് മധു, ഹരികുമാര് കോയിക്കല്, സോമരാജന് യൂണിയന് സെക്രട്ടറി സി. അനില്കുമാര്, ‘ഭരണസമിതി അംഗങ്ങള്, പ്രതിനിധി സഭാംഗങ്ങള് എന്നിവര് സംസാരിച്ചു.
എന്എസ്എസിന്റെ മുഖമുദ്ര മതേതരത്വം: ജി.സുകുമാരന്നായര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.