കൊല്ലം: പോലീസ് സേനയില് വനിതാ പോലീസിന്റെ എണ്ണം വര്ധിപ്പിക്കുമെ് മന്ത്രി രമേശ് ചെന്നിത്തല. വരുന്ന അഞ്ചുവര്ഷത്തിനുള്ളില് വനിതാ പോലീസുകാരുടെ എണ്ണം പത്തു ശതമാനമാക്കും. ഇതിനായി പി എസ്സി വിജ്ഞാപനത്തില് ആവശ്യമായ മാറ്റങ്ങള് വരുത്തിയിട്ടുണ്ടെന്ന് മന്ത്രി പറഞ്ഞു.
ജില്ലയിലെ വനിതാ പോലീസ് സ്റ്റേഷന്റെ ഉദ്ഘാടനം ഈസ്റ്റ് പോലീസ് സ്റ്റേഷന് അങ്കണത്തില് നിര്വഹിക്കുകയായിരുന്നു അദ്ദേഹം.
വനിതാ പോലീസ് സ്റ്റേഷന്റെ അധികാരപരിധി ജില്ല മുഴുവനുമായിരിക്കും. പത്തനാപുരത്ത് നിന്നും കടയ്ക്കല് എന്നിവിടങ്ങളില് നിന്നുള്ള പരാതികള് ഇവിടെ സ്വീകരിക്കും. മാത്രവുമല്ല വനിതാ പോലീസ് സ്റ്റേഷനിലെ എല്ലാ ജീവനക്കാരും വനിതകളായിരിക്കും. വനിതകള്ക്ക് നിര്ഭയമായി സമീപിക്കാന് സാധിക്കുന്ന തരത്തിലാകും സ്റ്റേഷന്റെ പ്രവര്ത്തനമെന്നും മന്ത്രി പറഞ്ഞു.ട്രാഫിക് അപകടങ്ങള് കുറക്കാന് ലക്ഷ്യമിട്ട് ശു’യാത്ര എന്ന പേരില് ആരംഭിക്കുന്ന പദ്ധതി പ്രകാരം സംസ്ഥാനത്തെ എല്ലാ പ്രധാനപ്പെട്ട റോഡുകളിലും കാമറകള് സ്ഥാപിക്കും.
അമിത വേഗതയില് പോകുന്ന വാഹനങ്ങളെ പിടികൂടി ശിക്ഷ നല്കുവാന് പദ്ധതിയിലൂടെ സാധിക്കും. എ.എ.അസീസ് എംഎല്എ അധ്യക്ഷത വഹിച്ച ചടങ്ങില് കെ.എന്.ബാലഗോപാല് എംപി, ഐജി മനോജ് എബ്രഹാം, കൗണ്സിലര് സി.വി.അനില്കുമാര്, സിറ്റി പോലീസ് കമ്മീഷണര് പി.പ്രകാശ് തുടങ്ങിയവര് സംസാരിച്ചു.
