ആലുവ: വൃക്ക മാറ്റിവെക്കല് ശസ്ത്രക്രിയക്ക് വിധേയനായ യുവാവ് തുടര് ചികിത്സക്ക് പണമില്ലാതെ വിഷമിക്കുന്നു. കോട്ടയം മെഡിക്കല് കോളജ് ആശുപത്രിയില് ചികിത്സയില് കഴിയുന്ന ആലുവ കടുങ്ങല്ലൂര് വടക്കേമുറി വീട്ടില് രജിമോനാണ് (45) സുമനസുകളുടെ സഹായം തേടുന്നത്.
ഏഴ് വര്ഷത്തോളമായി ഇരു വൃക്കകളും തകരാറിലായ രജിമോന് ആഴ്ചയില് മൂന്ന് തവണ ഡയാലിസിന് വിധേയനാകണം. മസ്തിഷ്ക മരണം സംഭവിച്ചയളുടെ വൃക്ക മാറ്റിവെച്ച് മെഡിക്കല് കോളേജില് ഇപ്പോഴും ചികിത്സയിലാണ്. തുടര് ചികിത്സക്ക് അഞ്ച് ലക്ഷം രൂപ വേണ്ടിവരുമെന്നാണ് ഡോക്ടര്മാര് പറയുന്നത്. പ്ലസ് വണിലും നാലാം ക്ലാസിലും പഠിക്കുന്ന രണ്ട് കുട്ടികളും ഭാര്യയുമടങ്ങുന്നതാണ് കുടുംബം. യാതൊരു വരുമാന മാര്ഗവുമില്ല. ബാങ്ക് വായ്പയെടുത്ത് പണിത വീടും മൂന്ന് സെന്റ് സ്ഥലവും ജപ്തി ഭീഷണിയിലാണ്. ഉദാരമതികളുടെ കാരുണ്യത്തിനായി കാത്തിരിക്കുകയാണ് ഈ കുടുംബം. കടുങ്ങല്ലൂര് പഞ്ചായത്ത് പ്രസിഡന്റ് കെ.കെ. ജിന്നാസ്, പ്രതിപക്ഷ നേതാവ് വി.എം. ശശി (രക്ഷാധികാരികള്), സ്റ്റാന്റിംഗ് കമ്മിറ്റി ചെയര്മാന് വി.കെ. ഷാനവാസ് (ചെയര്മാന്), കടുങ്ങല്ലൂര് സഹകരണ ബാങ്ക് പ്രസിഡന്റ് അഡ്വ. മനോജ് വാസു (സെക്രട്ടറി) എന്നിവരടങ്ങുന്ന സമിതി ചികിത്സാ സഹായ നിധി രൂപീകരിച്ചിട്ടുണ്ട്. എസ്.ബി.ടി മുപ്പത്തടം ശാഖയില് അക്കൗണ്ട് തുറന്നിട്ടുണ്ട്. അക്കൗണ്ട് നമ്പര് 67284877445. ഐ.എഫ്.എസ് കോഡ് ടആഠഞ0000958. വിവരങ്ങള്ക്ക് ഫോണ്: 98408 91796, 98460 76523.
