തളിപ്പറമ്പ്: പൊതുസ്ഥലത്ത് സ്ഥാപിക്കേണ്ട സോളാര്‍ ലൈറ്റ് മുസ്ലിംലീഗ് നേതാവിന്റെ വീട്ടുവളപ്പില്‍ സ്ഥാപിച്ചതായി പരാതി. തളിപ്പറമ്പ് നഗരസഭയിലെ 44 വാര്‍ഡുകളില്‍ ഒരെണ്ണം വീതം പൊതുസ്ഥലത്ത് സ്ഥാപിക്കാന്‍ ഉദ്ദേശിച്ച സോളാര്‍ ലൈറ്റാണ് ബദരിയാനഗര്‍ വാര്‍ഡില്‍ മുസ്ലിം ലീഗ് നേതാവിന്റെ വീട്ടുവളപ്പില്‍ സ്ഥാപിച്ചതെന്നാണ് പരാതി. എട്ടുമണിക്കൂര്‍ നേരം തുടര്‍ച്ചയായി നല്ല സൂര്യ പ്രകാശം ലഭിക്കുന്ന ഇടങ്ങളില്‍ മാത്രമേ ഈ ലൈറ്റുകള്‍ പ്രവര്‍ത്തിക്കുകയുള്ളൂ എന്ന് കരാറുകാരന്‍ നഗരസഭയെ ബോധ്യപ്പെടുത്തിയിരുന്നുവെങ്കിലും ശരിയായ തീതിയില്‍ സൂര്യ പ്രകാശം കിട്ടാത്ത മരങ്ങള്‍ക്കിടയിലാണ് ഇവിടെ ലൈറ്റ് സ്ഥാപിച്ചത്. ഏതാനും ദിവസങ്ങള്‍ മാത്രം പ്രകാശിച്ച ലൈറ്റ് മാസങ്ങളായി പ്രവര്‍ത്തിക്കുന്നില്ല. ഇത് ആവശ്യമായ അറ്റകുറ്റപ്പണികള്‍ നടത്തി സര്‍ സയ്യിദ് കോളേജ് റോഡിലേക്ക് മാറ്റി സ്ഥാപിക്കണമെന്നാവശ്യപ്പെട്ട് കഴിഞ്ഞ വാര്‍ഡ് സഭാ യോഗത്തില്‍ കടുത്ത വാക്കേറ്റവും നടന്നിരുന്നു. 28,000 രുപ ചെലവില്‍ സ്ഥാപിച്ച ലൈറ്റ് ഇത്തരത്തില്‍ ജനങ്ങള്‍ക്ക് ഉപകാരപ്പെടാതെ നശിക്കുന്നത് കടുത്ത പ്രതിഷേധത്തിന് ഇടയാക്കിയിട്ടുണ്ട്.
പാതുസ്ഥലത്ത് സ്ഥാപിക്കേണ്ട സോളാര്‍ ലൈറ്റ് മുസ്ലിംലീഗ് നേതാവിന്റെ വീട്ടുവളപ്പില്‍ സ്ഥാപിച്ചതായി പരാതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.