കരുനാഗപ്പള്ളി: നരേന്ദ്രമോദി നയിക്കുന്ന കേന്ദ്രസര്ക്കാരിന്റെ മുഖ്യ അജണ്ട യുവജനക്ഷേമമാണെന്ന് യുവമോര്ച്ച സംസ്ഥാന ജനറല് സെക്രട്ടറി ബിനുമോന് പറഞ്ഞു. യുവമോര്ച്ച ജില്ലാ പ്രസിഡന്റ് ആര്.എസ്.പ്രശാന്ത് നയിക്കുന്ന ജില്ലാ സൈക്കിള്റാലിയുടെ ഉദ്ഘാടനം നിര്വഹിക്കുകയായിരുന്നു ബിനുമോന്. മോദിസര്ക്കാര് നടപ്പിലാക്കുന്ന വിവിധ ക്ഷേമപദ്ധതികളിലെല്ലാം തന്നെ യുവതി-യുവാക്കള്ക്ക് മുന്ഗണന കൊടുക്കുന്നത് അതിന്റെ തെളിവാണ്. രാജ്യത്തെ തൊഴില് ഇല്ലായ്മയ്ക്ക് പരിഹാരം കാണാന് സാധിച്ചാല് ലോകരാഷ്ട്രങ്ങളുടെ മുന്നിരയില് ഭാരതമെത്തും. അതേ സമയം കേരളത്തില് കേന്ദ്രസര്ക്കാര് പദ്ധതികളെ അട്ടിമറിക്കാനുള്ള ശ്രമം കേരള സര്ക്കാര് നടപ്പിലാക്കുന്നുണ്ട്. യുവാക്കളെ ഒന്നടങ്കം തഴഞ്ഞ സര്ക്കാരാണ് ഉമ്മന്ചാണ്ടിയുടെത്. പിന്വാതില് നിയമനം നടത്തി ഉദ്യോഗാര്ത്ഥികളെ കബളിപ്പിച്ച സര്ക്കാരിനെതിരെയുള്ള യുവജന സമരങ്ങളുടെ തുടര്ച്ചയാണ് സംസ്ഥാനം മുഴുവന് യുവമോര്ച്ച നടത്തുന്ന സൈക്കിള് റാലിയെന്നും ബിനുമോന് കൂട്ടിചേര്ത്തു. സംസ്ഥാന സെക്രട്ടറി സജി കരവാളൂര്, ജില്ലാ വൈസ് പ്രസിഡന്റ് ശ്രേയസ്, ജില്ലാ ജനറല് സെക്രട്ടറിമാരായ പ്രതീഷ്, അരുണ്ചന്ദ്രശേഖര്, കരുനാഗപ്പള്ളി മണ്ഡലം പ്രസിഡന്റ് വിഷ്ണു. ബിജെപി ജില്ലാ വൈസ് പ്രസിഡന്റ് മാമ്പുഴ ശ്രീകുമാര്, മണ്ഡലം പ്രസിഡന്റ് അനില് വാഴപ്പള്ളി, അനൂപ് എന്നിവര് സംസാരിച്ചു. യുവമോര്ച്ച നേതാക്കളായ രാജ്മോഹന്, ബിനു ആലാട്ടുകാവ്, സുജിത്ത്, സുനില് എന്നിവര് നേതൃത്വം നല്കി. തുടര്ന്ന് 10ന് ചവറ മണ്ഡലത്തിലെ തേവലക്കരയില് യാത്രയുടെ ഭാഗമായുള്ള പൊതുയോഗം സംസ്ഥാന ജനറല് സെക്രട്ടറി ആര്.എസ്.രാജീവ് അഭിസംബോധന ചെയതു. അവിടെ നിന്ന് 11.30ന് കുന്നത്തൂര് മണ്ഡലത്തിലെ ഭരണിക്കാവിലെത്തിയ യാത്രയെ നൂറുകണക്കിന് യുവമോര്ച്ച പ്രവര്ത്തകര് സ്വീകരിച്ചു. ബിജെപി മണ്ഡലം പ്രസിഡന്റ് വി.എസ് വിജയന്, പള്ളി ശ്ശേരിക്കല് രാജേന്ദ്രന് പിള്ള, ആര്. രഞ്ജിത്, വി.എസ്. ജിതിന്ദേവ്, മുകേഷ് തുടങ്ങിയവര് സംസാരിച്ചു. തുടര്ന്ന് പുത്തൂര് വഴി കൊട്ടാരക്കരയില് വൈകിട്ട് നാലിന് എത്തുന്ന റാലിയെ നൂറുകണക്കിന് പ്രവര്ത്തകരുടെ സാന്നിദ്ധ്യത്തില് സ്വീകരിച്ചു.
സംസ്ഥാന സെക്രട്ടറി ലിജിന്ലാല് ഉദ്ഘാടനം ചെയ്തു. പത്തനാപുരത്തും സ്വീകരണം നല്കി. യാത്രയുടെ രണ്ടാം ദിനംമായ ഇന്ന് പുനലൂരില് നിന്നാണ് റാലി ആരംഭിക്കുന്നത്. ആയൂരില് 11നും ചടയമംഗലത്ത് 11.30നും യാത്രക്ക് സ്വീകരണം നല്കും. വൈകുന്നേരം യാത്ര ചാത്തന്നൂരില് സമാപിക്കും. മൂന്നാംദിനം കുണ്ടറയില് നിന്നുമാരംഭിക്കുന്ന സൈക്കിള് റാലി തുടര്ന്ന് മാടന്നട എന്നിവിടങ്ങളില് പര്യടനം നടത്തി വൈകിട്ട് 5ന് ചിന്നക്കടയില് സമാപിക്കും. സമാപനസമ്മേളനം ബിജെപി സംസ്ഥാന പ്രസിഡന്റ് വി. മുരളീധരന് ഉദ്ഘാടനം ചെയ്യും.
