തൃശൂര്: കല്യാണ് സില്ക്സിന്റെ ‘ഓണക്കോടിയ്ക്കൊപ്പം ഒന്നരക്കോടിയും’ സമ്മാന പദ്ധതിയിലെ ബംബര് സമ്മാനമായ 101 പവന് കെ.എസ്. അനില് കുമാറിന്. കല്യാണ് സില്ക്സ് തൃശൂര് പാലസ് റോഡിലെ ഷോറൂമില് സി.എന്. ജയദേവന് എംപിയാണ് ബംബര് സമ്മാന പദ്ധതിയുടെ നറുക്കെടുപ്പ് നിര്വഹിച്ചത്.
ഓണത്തോടനുബന്ധിച്ച് ആറാഴ്ചയാണ് ‘ഓണക്കോടിക്കൊപ്പം ഒന്നരക്കോടിയും’ സമ്മാന പദ്ധതിയില് നറുക്കെടുപ്പിലൂടെ ജേതാക്കളെ കണ്ടെത്തിയത്.
ആഴ്ചയിലെ സമ്മാനമായ വോക്സ്വാഗണ് പോളോ കാറിനും, ദിവസേനയുള്ള 10 ഹോണ്ട ആക്ടിവ സ്കൂട്ടറുകള്ക്കുമുള്ള നറുക്കെടുപ്പും ജയദേവന് നിര്വഹിച്ചു. 10 എയര്കണ്ടീഷണര് വിജയികളെ തേറമ്പില് രാമകൃഷ്ണന് എംഎല്എയും, 10 എല്ഇഡി ടിവി വിജയികളെ തൃശൂര് ഡെപ്യൂട്ടി മേയര് സരോജിനിയും, 10 വാഷിങ്മെഷീനുകള്ക്കുള്ള വിജയികളെ മുന് മേയര് ഐ.പി. പോളും, മൊബൈല് ഫോണ് വിജയികളെ കോര്പ്പറേഷന് ആരോഗ്യ സ്റ്റാന്ഡിങ് കമ്മിറ്റി ചെയര്മാന് ഗിരീഷ് കുമാര്, പ്രതിപക്ഷ നേതാവ് പുരുഷോത്തമന്, വാര്ഡ് കൗണ്സിലര് പ്രൊഫ. അന്നം ജോണ് എന്നിവരും തെരഞ്ഞെടുത്തു.
കല്യാണ് സില്ക്സ് ചെയര്മാനും മാനെജിങ് ഡയറക്ടറുമായ ടി.എസ്. പട്ടാഭിരാമന്, എക്സിക്യുട്ടീവ് ഡയറക്ടര്മാരായ പ്രകാശ് പട്ടാഭിരാമന്, മഹേഷ് പട്ടാഭിരാമന് എന്നിവര് ചടങ്ങില് സന്നിഹിതരായി.
സമ്മാന പദ്ധതിക്ക് അഭൂതപൂര്വമായ വരവേല്പ്പാണ് മലയാളികള് നല്കിയതെന്നും, കല്യാണ് സില്ക്സ് ഷോറൂമുകളിലേക്ക് ഒഴുകിയെത്തിയ ഉപഭോക്താക്കള്ക്കായി അവിസ്മരണീയ ഓണം ഒരുക്കാന് കഴിഞ്ഞതില് അതിയായ സന്തോഷമെന്നും പട്ടാഭിരാമന് പറഞ്ഞു.
