മുഹമ്മ: സാമൂഹ്യവിരുദ്ധര്‍ കൊടിയും കൊടിമരവും നശിപ്പിച്ചു. മണ്ണഞ്ചേരി പഞ്ചായത്ത് രണ്ടാം വാര്‍ഡ് ആര്‍ ശങ്കര്‍മെമ്മോറിയല്‍ 5447-ാം നമ്പര്‍ എസ്എന്‍ഡിപി ശാഖായോഗം ഓഫീസിന്റെ മുന്നില്‍ സ്ഥാപിച്ചിരുന്ന കൊടിയും കൊടിമരവുമാണ് ഞായറാഴ്ച രാത്രി നശിപ്പിച്ചത്. കൊടിമരത്തിന് ചുറ്റും സ്ഥാപിച്ചിരുന്ന നാലു ചങ്ങലകളും തൂണും നശിപ്പിച്ചവയില്‍പെടും. സംഭവത്തില്‍ പ്രതിഷേധിച്ച് തിങ്കളാഴ്ച പ്രകടനവും സമ്മേളനവും നടത്തി. അമ്പലപ്പുഴ എസ്എന്‍ഡിപി യൂണിയന്‍ പ്രസിഡന്റ് കലവൂര്‍ എന്‍ ഗോപിനാഥ്, സെക്രട്ടറി കെ എന്‍ പ്രേമാനന്ദന്‍, ശാഖായോഗം പ്രസിഡന്റ് ജയതിലകന്‍, സെക്രട്ടറി അജയരാജ് എന്നിവര്‍ സംസാരിച്ചു. മണ്ണഞ്ചേരി പോലീസ് അന്വേഷണം ആരംഭിച്ചു.
എസ്എന്‍ഡിപിയുടെ കൊടിയും കൊടിമരവും നശിപ്പിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.