മങ്കൊമ്പ്: നെല്ലുവില കിലോഗ്രാമിന് 21 രൂപയായി വര്ധിപ്പിക്കണമെന്നാവശ്യപ്പെട്ട് മുഖ്യമന്ത്രിയുടെ പുതുപ്പള്ളിയിലെ വസതിക്ക് മുന്പില് 19ന് പട്ടിണിസമരവും കര്ഷക മാര്ച്ചും നടത്താന് നെല്ക്കര്ഷകരുടെ സമരപ്രഖ്യാപന സമ്മേളനം തീരുമാനിച്ചു.
നെല്ലുവില ഉയര്ത്തണമെന്നാവശ്യപ്പെട്ട് മുഖ്യമന്ത്രിക്ക് 16ന് സമരസമിതി ഭാരവാഹികള് നിവേദനം നല്കും. 21 രൂപയായി വര്ധിപ്പിച്ച് 18ന് മുമ്പായി ഉത്തരവ് പുറപ്പെടുവിച്ചില്ലെങ്കില് മുഖ്യമന്ത്രിയുടെ വസതിയിലേക്ക് മാര്ച്ച് നടത്തുമെന്ന് ഭാരവാഹികള് അറിയിച്ചു.
പുഞ്ചക്കൃഷിക്ക് കൊടുക്കുന്ന പമ്പിങ് സബ്സിഡിയും ഉത്പാദക ബോണസും കര്ഷകര്ക്ക് നല്കുക, ഗുണനിലവാരമുള്ള നെല്വിത്ത് തിരഞ്ഞെടുക്കാനുള്ള സ്വാതന്ത്ര്യം നല്കുക, കൈകാര്യ ചെലവ് പൂര്ണമായും സര്ക്കാര് വഹിക്കുക തുടങ്ങിയ ആവശ്യങ്ങള് സമ്മേളനം ഉന്നയിച്ചു.
കോട്ടയം, പത്തനംതിട്ട, ആലപ്പുഴ ജില്ലകളിലെ കര്ഷകര് പങ്കെടുത്ത സമ്മേളനം കുട്ടനാട് വികസന സമിതി ചെയര്മാന് ഫാ. തോമസ് പീലിയാനിക്കല് ഉദ്ഘാടനം ചെയ്തു.
