കൊട്ടാരക്കര: വിദ്യാഭ്യാസം കച്ചവടവത്കരിക്കാതെ മാനുഷിക മുല്യത്തോടെ പകര്ന്ന് കൊടുക്കാന് വിദ്യാഭ്യാസ മേഖലയിലുള്ളവര് ശ്രദ്ധിക്കണമെന്ന് പി.അയിഷാപോറ്റി എംഎല്എ പറഞ്ഞു.ബോയ്സ് ഗ്രൗണ്ടില് നടന്ന ഭാരതീയ വിദ്യാനികേതന് ജില്ലാ കായികമേള ഉദ്ഘാടനം ചെയ്കയായിരുന്നു അവര്. പഠനത്തോടൊപ്പം കലകായിക രംഗത്ത് മിടുക്കരായി നല്ല ശീലമുള്ള തലമുറ വളര്ന്ന് വരണമെന്നും അവര് പറഞ്ഞു. കുരുന്നുകളുടെ ചുണ്ടില് നിന്ന് ഉയരുന്ന ഈശ്വരനാമത്തോടുകൂടിയുള്ള അദ്ധ്യാത്മികതയിലധിഷ്ഠിതമായ വിദ്യഭ്യാസമാണ് ഉണ്ടീകേണ്ടതെന്ന് കായികതാരങ്ങളുടെ മാര്ച്ച് പാസ്റ്റ് സല്യൂച്ച് സ്വീകരിച്ച് കൊണ്ട് കൊട്ടാരക്കര സിഐ ഷൈനുതോമസ് പറഞ്ഞു. കായിക വിദ്യാഭ്യാസത്തിലൂടെ ആരോഗ്യമുള്ള കുട്ടികളെ ഇത്തരം മേളകളിലൂടെ സമൂഹത്തിലെത്തിക്കാന് സാധിക്കുമെന്നും അദ്ദേഹം കൂട്ടിചേര്ത്തു.ഭാരതീയ വിദ്യാനികേതന് ജില്ലാ ഉപാദ്ധ്യക്ഷന് പി മോഹനകുറുപ്പ് അദ്ധ്യക്ഷനായി.ഭാരതീയ വിദ്യാനികേതന് ജില്ലാ സംയോചകന് ആര് ഹരികൃഷ്ണന് സ്വാഗതം പറഞ്ഞു.കൊട്ടാരക്കര സി ഐ ഷൈനുതോമസ് മാര്ച്ച് പാസ്റ്റില് സല്യൂട്ട് സ്വീകരിച്ചു.
ഭാരതീയ വിദ്യാനികേതന് സംസ്ഥാന ശാരീരീക് ശിക്ഷണ് പ്രമുഖ് എം ആര് ജയപ്രസാദ്,ആര് എസ് എസ് തിരുവന്തപുരം വിഭാഗ് കാര്യവാഹ് വി പ്രതാപന് എന്നിവര് സംസാരിച്ചു.ഭാരതീയ വിദ്യാനികേതന് ജില്ലാ കാര്യദര്ശി സി വിജയകുമാര് നന്ദി പറഞ്ഞു
