തൃശൂര്: കല്യാണ് സില്ക്സിന്റെ ‘ഓണക്കോടിക്കൊപ്പം ഒന്നരക്കോടിയും’ എന്ന സമ്മാനപദ്ധതി വിജയികളെ സൃഷ്ടിച്ചുകൊണ്ട് ആറാം ആഴ്ചയിലേക്ക് കടന്നു. അഞ്ചാം ആഴ്ചയിലെ നറുക്കെടുപ്പ് പാലക്കാട് ഷോറൂമില് നടന്നു. വീക്ക്ലി സമ്മാനമായ വോക്സ്വാഗണ് പോളോ കാറിന്റെ വിജയിയെയും ഡെയ്ലി സമ്മാനമായ ഹോണ്ട ആക്ടീവ സ്കൂട്ടറുകളുടെ വിജയികളെയും എം.ബി. രാജേഷ് എംപി തെരഞ്ഞെടുത്തു.
എയര്കണ്ടീഷണറുകളുടെ വിജയികളെ എംഎല്എ ഷാഫി പറമ്പിലും എല്ഇഡി ടിവികളുടെ വിജയികളെ പാലക്കാട് മുനിസിപ്പല് ചെയര്മാന് പി.വി. രാജേഷും വാഷിംഗ്മെഷീനുകളുടെ വിജയികളെ മുനിസിപ്പല് കൗണ്സിലര് എ. നാസറും തെരഞ്ഞെടുത്തു.
സ്മാര്ട്ട്ഫോണ് വിജയികളെ മുനിസിപ്പല് കൗണ്സിലര് എന്. ശിവരാജനും തെരഞ്ഞെടുത്തു. ആയിരക്കണക്കിന് രൂപയുടെ ഗിഫ്റ്റ് വൗച്ചറുകളും സര്പ്രൈസ് സമ്മാനങ്ങളും ഉപഭോക്താക്കള്ക്ക് ലഭിച്ചു. കല്യാണ് സില്ക്സ് ചെയര്മാനും എംഡിയുമായ ടി.എസ്. പട്ടാഭിരാമന്, എക്സിക്യൂട്ടീവ് ഡയറക്ടര്മാരായ പ്രകാശ് പട്ടാഭിരാമന്, മഹേഷ് പട്ടാഭിരാമന് എന്നിവര് സന്നിഹിതരായിരുന്നു.
സെപ്തംബര് 15 ന് അവസാനിക്കുന്ന ഈ സമ്മാനപദ്ധതിയിലൂടെ ഒന്നരക്കോടിയിലേറെ രൂപയുടെ സമ്മാനങ്ങളാണ് കല്യാണ് സില്ക്സിന്റെ ഉപഭോക്താക്കള്ക്ക് ലഭിക്കുക. ഒറ്റ ഷോപ്പിങ്ങിലൂടെ തന്നെ ഒന്നിലധികം തവണ സമ്മാനങ്ങള് നേടുവാനുള്ള അവസരം ലഭിക്കും. സമ്മാനപദ്ധതിയുടെ അവസാനം ബമ്പര് സമ്മാനമായി നല്കുന്നത് 101 പവന് സ്വര്ണമാണ്. കല്യാണ് സില്ക്സില് നടത്തുന്ന ഓരോ 2000 രൂപയുടെ പര്ച്ചേസിനൊപ്പം ഒരു സമ്മാനക്കൂപ്പണ് ലഭിക്കും.
