കൊട്ടാരക്കര: കുട്ടിയുടെ അരഞ്ഞാണം മോഷ്ടിച്ച യുവതിയെ കൊട്ടാരക്കര പോലീസ് അറസ്റ്റ് ചെയ്തു. വല്ലം പടിഞ്ഞാറ് ലക്ഷംവീട്ടില് വാടകയ്ക്ക് താമസിക്കുന്ന അനിതമോള്(ബിന്ദു-39) ആണ് അറസ്റ്റിലായത്. അയല്വാസിയായ സജുവിന്റെ ഒന്നരവയസ്സുള്ള മകന് ദേവാനന്ദിന്റെ രണ്ടേകാല് പവന് വരുന്ന അരഞ്ഞാണം രണ്ടു ദിവസം മുന്പ് കാണാതായിരുന്നു്.
അടുത്ത സമയത്ത് ഇവിടെ താമസത്തിന് എത്തിയ അനിത കുട്ടിയെ എടുത്ത് കൊണ്ട് പോയിരുന്നു, തിരികെ എത്തിച്ച കുട്ടിയെ കുളിപ്പിക്കാനായി നോക്കുമ്പോഴാണ് അരഞ്ഞാണം നഷ്ടപ്പെട്ട വിവരം അറിയുന്നത്.
തുടര്ന്ന് പോലീസില് പരാതി നല്കി. പോലീസ് അനിതയെ കസ്റ്റഡിയില് എടുത്തപ്പോള് താനാണ് മോഷണം നടത്തിയതെന്ന് ഇവര് സമ്മതിച്ചു. കൊട്ടാരക്കരയിലെ സ്വകാര്യ പണമിടപാട് സ്ഥാപനത്തിന് നിന്ന് മോഷണ മുതല് കണ്ടെടുത്തതായി എസ്.ഐ ബെന്നിലാലു പറഞ്ഞു
