കൊച്ചി: അടിസ്ഥാനരഹിതമായ ആരോപണങ്ങള് ഉന്നയിച്ച് പാര്ലമെന്റ് നടപടികള് തടസ്സപ്പെടുത്തിയ കോണ്ഗ്രസ്-ഇടതുപക്ഷ നിലപാടിനെതിരെ ബിജെപി പ്രതിഷേധ കൂട്ടായ്മകള് സംഘടിപ്പിക്കുമെന്ന് ജില്ലാ പ്രസിഡന്റ് അഡ്വ. പി.ജെ. തോമസ് അറിയിച്ചു. ജില്ലയില് ഒന്പത് കേന്ദ്രങ്ങളില് പരിപാടികള് നടക്കും. ഇന്ന് വൈകിട്ട് 5ന് എറണാകുളം ഹൈക്കോര്ട്ട് ജംഗ്ഷനിലും 6 മണിക്ക് തോപ്പുംപടിയിലും 7 മണിക്ക് പള്ളുരുത്തിയിലും നടക്കുന്ന പരിപാടികള് ദല്ഹി എംപി മഹേഷ് ഗിരി ഉദ്ഘാടനം ചെയ്യും. സെപ്തംബര് 3ന് രാവിലെ 10ന് അങ്കമാലിയിലും വൈകിട്ട് 5ന് പാതാളം ജംഗ്ഷനിലും 6.30ന് അത്താണിയിലും നടക്കുന്ന പരിപാടികളില് കെ.പി. സിങ് എംപി പങ്കെടുക്കും. 4ന് രാവിലെ 10 മണിക്ക് പിറവത്തും 5ന് മൂവാറ്റുപുഴയിലും വൈകിട്ട് 7ന് കോതമംഗലത്തും നടക്കുന്ന കൂട്ടായ്മകളില് ശരത് ത്രിപാഠി എംപിയും പങ്കെടുക്കും. എംപിമാര്ക്കൊപ്പം സംസ്ഥാന ജനറല് സെക്രട്ടറി എ.എന്. രാധാകൃഷ്ണന്, നേതാക്കളായ സി. ശിവന്കുട്ടി, ശ്യാമള പ്രഭു തുടങ്ങിയവരും പങ്കെടുക്കുമെന്ന് തോമസ് അറിയിച്ചു.
പ്രതികരിക്കാൻ ഇവിടെ എഴുതുക: