കുണ്ടറ: വികസനത്തിന് മാതൃകയാകും ഇനി കുണ്ടറ റെയില്വേസ്റ്റേഷന്. 2015-2016 ലെ റെയില്വേ ബജറ്റില് കേന്ദ്രറെയില്വേ മന്ത്രി പ്രഖ്യാപിച്ച ആദര്ശ് റെയില്വേ സ്റ്റേഷന് പദ്ധതിയിലാണ് കുണ്ടറയെ ഉള്പ്പെടുത്തിയിരിക്കുന്നത്.
രാജ്യത്ത് ഇത്തരത്തില് 200 സ്റ്റേഷനുകള് ആദര്ശ് റെയില്വേ സ്റ്റേഷനുകളായി മാറും.
കുണ്ടറ സ്റ്റേഷന്റെ വികസന പ്രവര്ത്തനം സതേണ് റെയില്വേയാണ് എറ്റെടുത്ത് നടപ്പിലാക്കുക. ആദ്യഘട്ടമായി അടിസ്ഥാന സൗകര്യ വികസന പ്രവര്ത്തനമാണ് നടപ്പാക്കുന്നത്. റെയില്പാലത്തിന് കുറുകെയായി ഫുട്ഓവര് ബ്രിഡ്ജ്. ഫഌറ്റ് ഫോമില് അഡിഷണല് ഷെല്ട്ടര്, കുടിവെള്ള സൗകര്യം, ബാത്ത് റൂം ഫെസിലിറ്റി, യാത്രക്കാര്ക്ക് ഇരിക്കാന് പ്രത്യേകം കസേരകള്, റെയില്വേയുടെ വിവരങ്ങള് അറിയാന് ടച്ച് സ്ക്രീനുകള്, ഫഌറ്റ് ഫോമുകളില് ടിവി സ്ക്രീനുകള്, ജീവനക്കാര്ക്ക് അടിസ്ഥാന സൗകര്യങ്ങള് എന്നിവയാണ് ആദ്യം നടപ്പിലാക്കുക. തുടര്ന്ന് ഓരോ ഘട്ടമായി സ്റ്റേഷന് അനുയോജ്യമായ വികസന പ്രവര്ത്തനങ്ങള് നടപ്പിലാക്കും. റെയില്വേ സ്റ്റേഷന് പരിസരത്തെ സാമൂഹികവിരുദ്ധ ശല്യവും ഇതൊടു കൂടി ഇല്ലാതാകും. സ്റ്റേഷന് പൂര്ണ്ണമായും പോലീസ് നിരീക്ഷണത്തിലാകും.
നിലവില് 14 ട്രെയിനുകളാണ് കുണ്ടറയില് നിര്ത്തുന്നത്. ഇവിടെ നിന്ന് ആയിരത്തോളം യാത്രികര് ട്രെയിന് കയറാന് എത്താറുണ്ടെന്നും അധികൃതര് അറിയിച്ചു.
കൊല്ലം ലോക്സഭ മണ്ഡലത്തിലെ മാതൃകസ്റ്റേഷനായി ഇതിലൂടെ കുണ്ടറ മാറും. ഇത് സംബന്ധിച്ച അറിയിപ്പ് കേന്ദ്ര റെയില്വേ വകുപ്പ് മന്ത്രി സുരേഷ് പ്രഭു കൊല്ലം എംപിക്കു നല്കിയിട്ടുണ്ട്.
