ആലുവ: പെരിയാറിനെ നശിപ്പിക്കുന്ന വിധത്തില് പോലീസ് ഒത്താശയോടെ നടക്കുന്ന അനധികൃത മണല് വാരലിന് അന്ത്യംകുറിക്കണമെന്ന് പ്രകൃതി സംരക്ഷണപ്രവര്ത്തകര്. റൂറല് എസ്.പിയുടെ നേതൃത്വത്തിലുള്ള സ്പെഷ്യല് സ്ക്വാഡ് നടത്തിയ മിന്നല് പരിശോധനയില് മണല് നിറച്ച നാല് മിനി ലോറികളും നാല് മണല് കടത്തുകാരും പിടിയിലായത് കാണിക്കുന്നത് ലോക്കല് പോലീസിന്റെ മണല് ലോബിയുമായുള്ള അവിശുദ്ധകൂട്ട്കെട്ടാണ്. വാഹനത്തിന്റെ ഉടമകള് ഉള്പ്പെട്ട മണല് ലോബിയാണ് മണല്വാരലിന് പിന്നില്. ഇവരെ ഭയന്ന് പലരും ഇക്കാര്യം പുറത്ത് പറയാന് മടിക്കുകയാണ്. മണല് പിടികൂടിയെങ്കിലും രണ്ട് ഡ്രൈവര്മാരും കഌനര്മാരും ഓടിരക്ഷപ്പെടാനിടയായ സംഭവം അന്വേഷണവിധേയമാക്കണം.
പുലര്ച്ചെ 3.30ഓടെ മഞ്ഞപ്പെട്ടി ജങ്കാര് കടവില് നിന്നാണ് മണല് ലോറികള് സഹിതം പ്രതികള് പിടിയിലായത്. ഡ്രൈവര്മാരായ കരുനാഗപ്പിള്ളി തഴവ അന്നാദിതറ വടക്കേതില് എ. സുധീര്, കായംകുളം മുക്കട പുതുവേലിപുത്തന് വീട്ടില് ഷംനാദ് സെയ്ത്, സഹായികളായ കരുനാഗപ്പിള്ളി തുതിയൂര് ചക്കാലത്തേക്കേതില് അമീര് സലാം, കരുനാഗപ്പിള്ളി കെ.എസ് പുരത്ത് പുത്തന്വീട്ടില് സലീം റഹീം എന്നിവരാണ് പിടിയിലായത്. കെ.എല് 6 ഡി 9540, കെ.എല് 29 എ 8088, കെ.എല് 23 ജി 7454, കെ.എല് 23 ഇ 2712 എന്നീ ലോറികളിലാണ് മണല് നിറച്ചിരുന്നത്. മഫ്ടിയില് പൊലീസെത്തുമ്പോള് ലോറികളില് മണല് നിറയ്ക്കുകയായിരുന്നവര് പുഴയിലേക്ക് ചാടി നീന്തി രക്ഷപ്പെട്ടു. ഓടാന് കഴിയാതിരുന്നവരാണ് പിടിയിലായത്. റെയ്ഡിനെത്തിയ പൊലീസുകാര്ക്ക് അംഗബലം കുറവായതിനാല് ഓടിപ്പോയവരെ പിന്തുടര്ന്ന് പിടികൂടാനായില്ല. ലോക്കല് പോലീസിനെ അറിയിക്കാതെ നടത്തിയ റെയ്ഡ് ആയതിനാലാണ് പ്രതികള് പിടിയിലായത്
പ്രതികള്ക്കെതിയും ലോറികള്ക്കെതിരെയും കാലടി പൊലീസ് കേസെടുത്തു. സ്ക്വാഡ് എ.എസ്.ഐ സജീവ്ചന്ദ്രന്, സി.പി.ഒമാരായ ശ്യാം, സന്ദീപ്, രാജേഷ് എന്നിവരാണ് മണല് കടത്ത്കാരെ പിടികൂടിയത്.പെരിയാറില് മണല് വാരല് വ്യാപകമാണെന്ന് ആക്ഷപങ്ങളുണ്ടായിട്ടും ലോക്കല് പൊലീസുകാര് ഇത് തടയുന്നതിന് ജാഗ്രത കാണിക്കാത്ത സാഹചര്യത്തിലാണ് സ്പെഷ്യല് സ്ക്വാഡ് ഈ ദൗത്യമേറ്റെടുത്തത്. ആലുവ ദേശം കടവില് മണല് നിറച്ച വഞ്ചി മൂന്നാഴ്ച്ച മുമ്പ് സ്ക്വാഡ് കണ്ടെത്തിയിരുന്നു. ഇത് ഏറ്റെടുക്കാന് ലോക്കല് പൊലീസ് വൈകിയാണ് എത്തിയത്. ഇത്് ഏറെ വിവാദമായിരുന്നു. സ്റ്റേഷനിലെ ഉദ്യോഗസ്ഥര്ക്ക് കണ്ട് കാഴ്ച നടത്തിയാണ് മണല് കൊള്ള നടക്കുന്നതെന്നും, പോലീസുകാരുടെ സാമ്പത്തിക നില പരിശോധിച്ചാല് ഇത് വ്യക്തമാകുമെന്നും പാരിസ്ഥിതി പ്രവര്ത്തകര് പറയുന്നു.
