മട്ടാഞ്ചേരി: വാഹന പരിശോധനക്കിടെ വാഹനം നിര്ത്താതെ കടന്നുകളയുന്നവരെ കണ്ടെത്തി ശിക്ഷണനടപടികള്ക്കായി വീഡിയോ ക്യാമറാ സംവിധാനമൊരുക്കാന് മട്ടാഞ്ചേരി ആര്ടിഒ തീരുമാനിച്ചു. അമിത വേഗതയും, അധികം ആളുകളും, അപകടകരമായ ഡ്രൈവിംങ്ങുമായുള്ള വാഹനങ്ങളെ പിടികൂടി ശക്തമായനടപടികള് കൈക്കൊള്ളുമെന്ന് ജോയിന്റ് ആര്ടിഒ ജി.അനന്തകൃഷ്ണന് പറഞ്ഞു. നിര്ത്താതെ പോകുന്ന വാഹനങ്ങളെ ക്യാമറയില് പകര്ത്തി, തുടര് അന്വേഷണത്തിലുടെ ഇവരെ പിടികൂടി കോടതി നടപടികള്ക്ക് വിധേയമാക്കാനാണ് ഉദ്ദേശ്യം. ഹെല്മറ്റ് ധരിക്കാതെയും, രണ്ടിലധികം ആളുകളെകയറ്റിയുള്ള ഡ്രൈവിങ്ങ് എന്നിവ വ്യാപകമായ സാഹചര്യത്തിലാണിത്. സ്ത്രീകളെ ഭയപ്പെടുത്തുന്ന രീതിയില് റെയ്സ് ബൈക്കുകള് ഓടിക്കുകയും, എയര്ഹോണ് ഉപയോഗിക്കുന്നരെയും പിടികൂടുവാന് പ്രത്യേക പരിശോധന നടത്തും. സ്വകാര്യബസ്സുകളുടെ പശ്ചിമകൊച്ചിയിലേക്കുള്ളട്രിപ്പ് മുടക്കം ഒഴിവാക്കാനും നടപടിയെടുത്തതായി അനന്തകൃഷ്ണനും, എം.വി.ഇന്സ്പെക്ടര് ജെബിഐ ചെറിയാനും പറഞ്ഞു. മട്ടാഞ്ചേരി ജോയിന്റ് ആര്ടിഓഫീസിനെ പൊതുജനാനുകൂലമാക്കുവാനായി ജോയിന്റ് ആര്ടിഒയുമായി ബന്ധപ്പെടുന്നതിന് 2229200 എന്ന നമ്പറില് പരാതികളോ ആവശ്യങ്ങളോ നേരിട്ടറിയിക്കാമെന്ന് ആര്ടിഓഫീസിലെ എം.പി.ഐ.അബ്ദുള് റഹിമാന്, ബി.ജോയ്പീറ്റര്, എസ്.ഗോപി എന്നിവര് പറഞ്ഞു.
വാഹന പരിശോധന: കടന്നുകളയുന്നവരെ കണ്ടെത്താന് ക്യാമറയുമായി ആര്ടിഒയും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.