കളമശ്ശേരി: വിനോദത്തിന് പുറമെ വിജ്ഞാനം പകരാന് ശാസ്ത്രലോകത്തെ വിസ്മയങ്ങളുമായി എറണാകുളം ഗവ.മെഡിക്കല് കോളേജിനടുത്ത് ചില്ഡ്രന്സ് സയന്സ് സിറ്റി മിഴിതുറക്കുന്നു. കുട്ടികളില് ശാസ്ത്രത്തെക്കുറിച്ച് അവബോധമുണ്ടാക്കാനും ആകര്ഷിക്കാനുമായാണ് കളമശ്ശേരി നഗരസഭ ശാസ്ത്ര സാങ്കേതിക ഉദ്യാനം രൂപകല്പന ചെയ്തിട്ടുള്ളത്. കിന്ഫ്ര പാര്ക്കിലെ തടാകത്തിനോട് ചേര്ന്നുള്ള പ്രകൃതിരമണീയമായ 5.22 ഏക്കര് സ്ഥലം വ്യവസായ വകുപ്പാണ് പാര്ക്കിനായി വിട്ടുനല്കിയത്. കേരളത്തിലാദ്യമായാണ് തദ്ദേശസ്വയം ഭരണസ്ഥാപനത്തിനുകീഴില് ശാസ്ത്രം പഠിക്കാന് പാര്ക്ക് ഒരുക്കുന്നത്. സെപ്തംബര് ആദ്യവാരത്തില് പാര്ക്ക് പൊതുജനങ്ങള്ക്കായി തുറന്നുകൊടുക്കുയെന്ന ലക്ഷ്യത്തോടെ നിര്മാണം പുരോഗമിക്കുകയാണ്. സയന്സ് പാര്ക്കിലെ ത്രില്ലേറിയത്തില് 8 ഡി മോഷന് സിമുലേറ്റര് തിയേറ്റര്, വാട്ടര് മൂസിക്കല് സാന്സിംങ് ഫൗണ്ടന്, കണ്ണഞ്ചിപ്പിക്കുന്ന വര്ണങ്ങളിലുള്ള വൈദ്യുത ലൈറ്റുകള് എന്നിവയാണ് ഒരുങ്ങുന്നത്. 1.40 കോടി രൂപയുടെ മ്യൂസിക്കല് ഫൗണ്ടേഷന് സയന്സ് പാര്ക്കിലെ പ്രധാന ആകര്ഷണമായിമാറും.
ശാസ്ത്രലോകത്തെ വിസ്മയങ്ങളുമായി ചില്ഡ്രന്സ് സയന്സ് സിറ്റി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.