കൊച്ചി: ലെനോവോയുടെ എ6000 പ്ലസ് സ്മാര്ട് ഫോണ് ഇന്ത്യന് വിപണിയില് അവതരിപ്പിച്ചു. 4ജി സ്മാര്ട്ട് ഫോണില് 2 ജിബി മെമ്മറി, 16 ജിബി സ്റ്റോറേജ്, എഫ്ഡിഡി 1800 മെഗാഹെര്ട്സ് ബാന്ഡ് 3, ടിഡിഡി 2300 മെഗാഹെര്ട്സ് ബാന്ഡ് 40, എല്ടിഇ ബാന്ഡുകള് എന്നിവയുണ്ട്. ആന്ഡ്രോയിഡ് കിറ്റ്കാറ്റ് 4.4.4 ഓപ്പറേറ്റിങ് സിസ്റ്റത്തിലാണ് പ്രവര്ത്തനം.
എ6000ന് ഉപഭോക്താക്കളില് നിന്നും ലഭിച്ച വലിയ പ്രതികരണമാണ് മികച്ച പ്രകടനം കാഴ്ചവയ്ക്കുന്ന ഈ ഫോണ് അവതരിപ്പിക്കാന് പ്രേരിപ്പിച്ചതെന്ന് ലെനോവോ ഇന്ത്യ സ്മാര്ട്ട് ഫോണ്സ് വിഭാഗം ഡയറക്ടര് സുധിന് മാഥുര് പറഞ്ഞു. വില 7499 രൂപ. ഫഌപ്കാര്ട്ടില് മാത്രമേ ലഭ്യമാകൂ.
