ആലപ്പുഴ: കടിച്ച നായ ചത്തു; ഭീതിയെ തുടര്ന്ന് നായയുടെ കടിയേറ്റ 23 പേരെ ആശുപത്രിയില് പ്രവേശിപ്പിച്ചു. രാമങ്കരി പഞ്ചായത്ത് ഏഴാം വാര്ഡ് മുപ്പതില് ചിറവീട്ടില് തങ്കപ്പന്റെ മകന് കണ്ണന് (19), രാമങ്കരി വേഴപ്ര കോളനി നമ്പര് 104ല് രഘുവിന്റെ മകന് രോഹിത് (12), ചന്ദ്രാലയത്തില് രാജുവിന്റെ മകന് ശ്രീരാജ് (17), കോളനി നമ്പര് 102ല് പങ്കജാക്ഷന്റെ മകന് അഭിഷേക് (15), കോളനി നമ്പര് 130ല് സതീശന്റെ മകന് അഭിഷേക് (നാല്), കോളനി നമ്പര് 105 ല് സലിയുടെ മകന് സച്ചു (രണ്ടര), വെളളിത്തറ വീട്ടില് ബിജുവിന്റെ മകന് അമല് (10) കോളനി 105 ല് സജീവന്റെ മകന് സച്ചിന് സജീവ് (അഞ്ച്), വേഴപ്ര പ്രകാശിനിവാസില് കിരണ് കുമാറിന്റെ മകന്റെ നവതേജസ് (അഞ്ച്), പുത്തന്പറമ്പില് ഉത്തമന് (46), മുണ്ടുചിറയില് ബിജുതോമസ് (44) തുടങ്ങിയ 23 പേരെയാണ് വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചത്.
മൂന്നു ദിവസം മുമ്പാണ് രാമങ്കരി പഞ്ചായത്ത് ഓഫീസ് സമീപത്ത് മൂന്നു മാസം പ്രായമുളള പട്ടി ഇവരെ കടിച്ചത്. തുടര്ന്ന് സമീപത്തെ പ്രാഥമിക ആരോഗ്യകേന്ദ്രത്തില് നിന്നും ഇവര് ചികിത്സ തേടുകയും ചെയ്തു. സമീപവീട്ടിലെ വളര്ത്തുനായയാണ് ഇവരെ കടിച്ചത്. തുടര്ന്ന് പ്രാഥമിക ആരോഗ്യകേന്ദ്രത്തിലെ അറിയിപ്പിനെ നായയെ പൂട്ടിയിട്ട് നീരീക്ഷിച്ചു വരുന്നതിനിടയിലാണ് നായചത്തത്. കടിയേറ്റവരെ നിരീക്ഷണത്തിനായി വണ്ടാനം മെഡിക്കല് കോളേജ് ആശുപത്രിയില് പ്രവേശിപ്പിച്ചു. പേവിഷയേറ്റതായി സ്ഥിരീകരിക്കാന് സമയമെടുക്കുമെന്ന് ആശുപത്രി അധികൃതര് അറിയിച്ചു.
