ചേര്ത്തല: ഗോമാംസം വിതരണം ചെയ്ത് ക്ഷേത്രപരിസരം അശുദ്ധമാക്കിയതായി പരാതി. മഹാരാഷ്ട്രയിലെ ഗോമാംസനിരോധനവുമായി ബന്ധപ്പെട്ട് സിപിഎമ്മിന്റെ നേതൃത്വത്തില് നടത്തിയ ബീഫ് ഫെസ്റ്റാണ് വിവാദത്തിലായത്. ചെങ്ങണ്ട ശ്രീഭൂതനാഥ ക്ഷേത്രപരിസരത്താണ് കഴിഞ്ഞ ദിവസം ഗോമാംസം പാകം ചെയ്ത് വിതരണം നടത്തിയത്. ക്ഷേത്രപരിസരത്ത് മാംസവിതരണം നടത്തി മതവികാരങ്ങളെ വ്രണപ്പെടുത്തുവാനുള്ള നീക്കമാണ് സിപിഎം നടത്തുന്നതെന്ന് ഹിന്ദു ഐക്യവേദി താലൂക്ക് കമ്മറ്റി കുറ്റപ്പെടുത്തി.
ഇതിനെതിരെ ക്ഷേത്രവിശ്വാസികളുടെ സഹകരണത്തോടെ പോലീസിനെ സമീപിക്കുവാനും യോഗത്തില് തീരുമാനമായി. കുറ്റക്കാര്ക്കെതിരെ ശക്തമായ നടപടി സ്വീകരിച്ചില്ലെങ്കില് പ്രക്ഷോഭവുമായി മുന്നോട്ടുപോകുവാന് യോഗം തീരുമാനിച്ചു. ജില്ലാ വെസ് പ്രസിഡന്റ് അഡ്വ.വി.എസ്. രാജന് അദ്ധ്യക്ഷത വഹിച്ചു. കെ.ജി. സഹജന്, ആര്. രാജന്പ്രഭു എന്നിവര് സംസാരിച്ചു.
