ഇടക്കുന്നം: സര്ക്കാര് ഹയര് സെക്കന്ഡറി സ്കൂളിലെ യു.പി. ക്ലാസ്സുമുറികള് സാമൂഹികവിരുദ്ധര് തല്ലിത്തകര്ത്തു. ബെഞ്ചും ഡസ്ക്കും ഫാനും തകര്ത്തു. പ്ലേ ക്ലാസ്സിലെ ഉപകരണങ്ങളും തല്ലിത്തകര്ത്തു. ക്ലാസ് മുറിയുടെ വാതിലിന്റെ പൂട്ട് തകര്ത്താണ് സാമൂഹികവിരുദ്ധര് അക്രമം നടത്തിയത്. തിങ്കളാഴ്ചയാണ് അക്രമ വിവരം അറിഞ്ഞത്.
ഇതിന് മുമ്പും സാമൂഹികവിരുദ്ധരുടെ അക്രമം ഉണ്ടായതായി സ്കൂള്അധികൃതര് പറഞ്ഞു. സ്കൂളിന്റെ ചുറ്റുമതില് തകര്ന്ന് കിടക്കുന്നതിനാല് അക്രമികള്ക്ക് കയറാന് എളുപ്പമാണ്. അധികൃതര് പോലീസിലും ജില്ലാ കളക്ടര്ക്കും പരാതി നല്കി.
