ആലപ്പുഴ: ചില രാഷ്ട്രീയ പാര്ട്ടികളും മുസ്ലിം സംഘടനകളും നടത്തുന്ന ബീഫ് ഫെസ്റ്റിന് ആവശ്യമായ ഇറച്ചി സൗജന്യമായി നല്കുന്നത് അനധികൃത ഇറച്ചി വില്പനക്കാര്. കേരളത്തില് ഗോമാംസ വില്പന നിരോധിക്കാന് നീക്കമുണ്ടെന്ന് പ്രചരിപ്പിച്ചാണ് കശാപ്പുകാരില് നിന്ന് രാഷ്ട്രീയ പാര്ട്ടികളും മുസ്ലിം സംഘടനകളും ഇറച്ചി സൗജന്യമായി തരപ്പെടുത്തുന്നത്. പണം ഈടാക്കാതെ ഇറച്ചി ലഭിക്കാന് ചിലര് തങ്ങളെ ഭീഷണിപ്പെടുത്തുന്നതായും കച്ചവടക്കാര് പറയുന്നു. യാതൊരുവിധ പരിശോധനകളും നടത്താതെ കശാപ്പു ചെയ്ത മാടുകളുടെ ഇറച്ചിയാണ് ബീഫ് ഫെസ്റ്റിലൂടെ പാകം ചെയ്ത് നല്കുന്നത്. രോഗമുള്ള മാടുകളുടെ ഇറച്ചിയും ഇതിലുണ്ട്. സൗജന്യമായി നല്കുന്നതിനാല് പഴകിയ ഇറച്ചിയും സാധാരണ വില്ക്കാത്ത ഇറച്ചി അവശിഷ്ടങ്ങളും വരെ കച്ചവടക്കാര് ബീഫ് ഫെസ്റ്റ് സംഘാടകര്ക്ക് നല്കുന്നു.
സൗജന്യമായി കിട്ടിയാല് വിഷവും വാങ്ങി കഴിക്കുന്നവര് ബീഫ് ഫെസ്റ്റിലും ക്യൂ നിന്ന് ഇത്തരം മോശമായ മാംസ വിഭവങ്ങളും കഴിക്കാന് മത്സരിക്കുകയാണ്. ബീഫ് ഫെസ്റ്റ് നടത്താന് ഇറച്ചി ആവശ്യത്തിന് ലഭിക്കുന്നുണ്ടെന്നും അതിനാല് തന്നെ പണം മുടക്കില്ലാതെ പരിപാടി നടത്താന് കഴിയുന്നുണ്ടെന്നുമാണ് സംഘാടകരില് ചിലര് പറയുന്നത്.
ആലപ്പുഴ നഗരത്തില് ആധുനിക അറവുശാല നിര്മ്മാണത്തിനായി അനുവദിച്ച കോടികളില് വരെ അഴിമതി നടത്തിയ പാര്ട്ടിയുടെ യുവജന സംഘടനയാണ് നിയമം ലംഘിച്ച് അറവു ചെയ്യുന്ന മാടുകളുടെ ഇറച്ചി വില്ക്കുന്നവരെ സംരക്ഷിക്കാന് ഇറച്ചി ഉത്സവം നടത്താന് മുന്നിലുള്ളത്. നഗരത്തിലും പരിസര പ്രദേശങ്ങളിലും പരസ്യമായാണ് പശുക്കളെയും കിടാക്കളെയും അറവു ചെയ്ത് വില്ക്കുന്നത്.
