ഖത്തറിലേക്ക് ജെറ്റ് എയര്‍വേയ്‌സ് കോഴിക്കോട്, തിരുവനന്തപുരം സര്‍വീസുകള്‍ ഇന്ന് മുതല്‍

കൊച്ചി: ഖത്തറിലെ ദോഹയിലേക്ക് ജെറ്റ് എയര്‍വേയ്‌സിന്റെ രണ്ട് പുതിയ സര്‍വീസുകള്‍ കോഴിക്കോട്ടു നിന്നും തിരുവനന്തപുരത്തു നിന്നും ആരംഭിക്കും. ഇന്ന് ഉദ്ഘാടനം ചെയ്യുന്ന ഈ നേരിട്ടുള്ള സര്‍വീസുകള്‍ മെയ് 31 വരെ പ്രതിവാരം മൂന്നു ദിവസം വീതമായിരിക്കുമെങ്കിലും തുടര്‍ന്ന് പുതിയ സമയക്രമത്തോടെ എല്ലാ ദിവസവുമാക്കുമെന്ന് കമ്പനി അറിയിച്ചു.

പുതിയ സര്‍വീസുകള്‍ തുടങ്ങുന്നതോടെ കേരളത്തില്‍ നിന്നുള്ള ജെറ്റ് എയര്‍ സര്‍വീസുകള്‍ കൊച്ചിയില്‍ നിന്നുള്‍പ്പെടെ മൂന്നിടത്തുനിന്നാകും. ഇപ്പോള്‍ത്തന്നെ കൊച്ചിയില്‍നിന്ന് എല്ലാ ദിവസവും ദോഹയിലേക്ക് ജെറ്റ് എയര്‍ സര്‍വീസുണ്ട്. മാര്‍ച്ച് 28 വരെ താഴെപ്പറയുന്ന പ്രകാരമാകും പുതിയ വിമാനങ്ങളുടെ സമയക്രമം:

തിരുവനന്തപുരത്തുനിന്ന് ജെറ്റ് എയര്‍വേയ്‌സ് 9 ഡബ്ലിയു 594 നമ്പര്‍ വിമാനം ഞായര്‍, തിങ്കള്‍, ചൊവ്വ ദിവസങ്ങളില്‍ രാവിലെ 7.45 ന് പുറപ്പെട്ട് 10.05 ന് (പ്രാദേശിക സമയം) ദോഹയിലെത്തും. ദോഹയില്‍ നിന്ന് ജെറ്റ് എയര്‍വേയ്‌സ് 9 ഡബ്ലിയു 595 നമ്പര്‍ വിമാനം ഞായര്‍, തിങ്കള്‍, ചൊവ്വ ദിവസങ്ങളില്‍ രാവിലെ 11.20ന്  (പ്രാദേശിക സമയം) പുറപ്പെട്ട് കോഴിക്കോട്ട് വൈകുന്നേരം 5.50ന്  എത്തും. കോഴിക്കോട്ടു നിന്ന് ജെറ്റ് എയര്‍വേയ്‌സ് 9 ഡബ്ലിയു 596 നമ്പര്‍ വിമാനം ശനി, ഞായര്‍, തിങ്കള്‍ ദിവസങ്ങളില്‍ വൈകുന്നേരം 6.50 ന് പുറപ്പെട്ട് ദോഹയില്‍ രാത്രി 8.50 ന് (പ്രാദേശിക സമയം) എത്തും.

ദോഹയില്‍ നിന്ന് ജെറ്റ് എയര്‍വേയ്‌സ് 9 ഡബ്ലിയു 593 നമ്പര്‍ വിമാനം ശനി, ഞായര്‍, തിങ്കള്‍ ദിവസങ്ങളില്‍ രാത്രി 9.50 ന് (പ്രാദേശിക സമയം)പുറപ്പെട്ട് അടുത്ത ദിവസം രാവിലെ 4.45 ന് തിരുവനന്തപുരത്ത് എത്തിച്ചേരും. മാര്‍ച്ച് 29 നു പരിഷ്‌കരിക്കുന്ന സമയക്രമത്തിന്റെ കാലാവധി മെയ് 31 വരെയായിരിക്കും. ഇക്കാലത്ത് താഴെപ്പറയുന്ന പ്രകാരമാകും ഓരോ ആഴ്ചയിലെയും മൂന്നു സര്‍വീസുകള്‍.

തിരുവനന്തപുരത്തുനിന്ന് ജെറ്റ് എയര്‍വേയ്‌സ് 9 ഡബ്ലിയു 594 നമ്പര്‍ വിമാനം ഞായര്‍, തിങ്കള്‍, ചൊവ്വ ദിവസങ്ങളില്‍ രാവിലെ 7.15 ന് പുറപ്പെട്ട് 9.35 ന് (പ്രാദേശിക സമയം) ദോഹയിലെത്തും. ദോഹയില്‍ നിന്ന് ജെറ്റ് എയര്‍വേയ്‌സ് 9 ഡബ്ലിയു 595 നമ്പര്‍ വിമാനം ഞായര്‍, തിങ്കള്‍, ചൊവ്വ ദിവസങ്ങളില്‍ രാവിലെ 10.35 ന് (പ്രാദേശിക സമയം) പുറപ്പെട്ട് കോഴിക്കോട്ട് വൈകുന്നേരം 5.25 ന് എത്തും. കോഴിക്കോട്ടു നിന്ന് ജെറ്റ് എയര്‍വേയ്‌സ് 9 ഡബ്ലിയു 596 നമ്പര്‍ വിമാനം ശനി, ഞായര്‍, തിങ്കള്‍ ദിവസങ്ങളില്‍ വൈകുന്നേരം 6.25 ന് പുറപ്പെട്ട് ദോഹയില്‍ രാത്രി 8.15 ന് (പ്രാദേശിക സമയം) എത്തും.

ദോഹയില്‍ നിന്ന് ജെറ്റ് എയര്‍വേയ്‌സ് 9 ഡബ്ലിയു 593 നമ്പര്‍ വിമാനം ശനി, ഞായര്‍, തിങ്കള്‍ ദിവസങ്ങളില്‍ രാത്രി 9.15 ന്  (പ്രാദേശിക സമയം) പുറപ്പെട്ട് അടുത്ത ദിവസം രാവിലെ 4.20 ന്  തിരുവനന്തപുരത്ത് എത്തും. തിരുവനന്തപുരത്തുനിന്നും കോഴിക്കോട്ടുനിന്നും ദോഹയിലേക്ക് നേരിട്ടുള്ള പ്രതിദിന സര്‍വീസുകള്‍ 2015 ജൂണ്‍ 1 മുതലുണ്ടാകും.