ചിത്രപ്രദര്ശനം ഉദ്ഘാടനം ചെയ്ത ശേഷം കെ.സി. വേണുഗോപാല് എംപി ചിത്രങ്ങള് വീക്ഷിക്കുന്നു
ആലപ്പുഴ: നഗരചത്വരത്തിലെ ലളിതകലാ അക്കാദമി ആര്ട്ട് ഗാലറിയിലെ പത്താംക്ലാസ് വിദ്യാര്ത്ഥിയുടെ ചിത്രപ്രദര്ശനം ശ്രദ്ധയാകര്ഷിക്കുന്നു. ആലപ്പുഴ കാര്മ്മല് സ്കൂളിലെ പത്താംക്ലാസ് വിദ്യാര്ത്ഥി മുഹമ്മദ് റോഷന്റെ ചിത്രപ്രദര്ശനമാണ് ഫെബ്രുവരി 11 വരെ ആര്ട്ട് ഗാലറിയില് നടക്കുന്നത്. കെ.സി. വേണുഗോപാല് എംപി പ്രദര്ശനം ഉദ്ഘാടനം ചെയ്തു. ചടങ്ങില് ചിത്രകലാകാരന്മാരെ ആദരിച്ചു. ആലപ്പുഴ സ്വദേശി മുഹമ്മദ് സലീമിന്റെയും സെറിനയുടെയും മകനാണ് റോഷന്.
ഓയില് കളര്, വാട്ടര് കളര്, അക്കര്ലിക്, പെന്സില്, ചാര്ക്കോള് തുടങ്ങിയ മാധ്യമങ്ങളിലാണ് റോഷന് ചിത്രങ്ങള് വരച്ചിരിക്കുന്നത്. സാധാരണക്കാര്ക്ക് മനസിലാകുന്ന ചിത്രങ്ങള് വരയ്ക്കാനാണ് ഈ കൊച്ചുകലാകാരന് താത്പര്യം. കഴിഞ്ഞ ആറുവര്ഷമായി സതീഷ് വാഴവേലിയില് ഓയില് പെയിന്റിങ് അക്കര്ലിക്കില് കഴിഞ്ഞ ആറുമാസമായി ജിനു ജോര്ജുമാണ് റോഷന്റെ ഗുരുക്കള്. ആലപ്പുഴയെ അടിസ്ഥാനമാക്കിയും പ്രകൃതിയെ അടിസ്ഥാനമാക്കിയുമുള്ള 25 ചിത്രങ്ങളാണ് പ്രദര്ശനത്തിലുള്പ്പെടുത്തിയിട്ടുള്ളത്.
