പൊന്കുന്നം: ഇളങ്ങുളം ഇടവകതിരുനാളിനോടനുബന്ധിച്ച് 23 മുതല് 29 വരെ സെന്റ് മേരീസ് പാരീഷ് ഹാളില് വച്ച് ഇളങ്ങുളം ഫെസ്റ്റ് 2014 നടത്തപ്പെടും. ഈ മേളയില് വിവിധ വിജ്ഞാന വിനോദ വിപണന ഇനങ്ങള് ഉള്പ്പെടുന്ന 45ല്പരം സ്റ്റാളുകള് ഉള്പ്പെടുത്തിയിരിക്കുന്നു. 23ന് റവ. ഫാ. ജെയിംസ് മുത്തനാട്ട് അദ്ധ്യക്ഷത വഹിക്കുന്ന യോഗത്തില് എലിക്കുളം പഞ്ചായത്ത് പ്രസിഡന്റ് കെ.പി. കരുണാകരന് നായര് ഉദ്ഘാടനം നിര്വ്വഹിക്കും. ജോയി വാളിപ്ലാക്കല്, സിബി നാഗരൂര്, വാര്ഡ് മെമ്പര് ജോജോ ചീരാകുഴിയില് തുടങ്ങിയവര് സംസാരിക്കും.
26ന് വൈകിട്ട് 6ന് ഇളങ്ങുളം നിവാസികള് ഒരുക്കുന്ന വൈവിധ്യമാര്ന്ന കലാപരിപാടികള്. 27ന് വൈകിട്ട് 7.30ന് ഫയര് ബാന്റ് ഡിസ്പ്ലേ, 8ന് ശിങ്കാരിമേളം. 28ന് വൈകുന്നേരം 9.30ന് ആകാശവിസ്മയം, 10.30ന് ആലപ്പി ബ്ലൂഡയണ്ഡിന്റെ ഗാനമേള. 29ന് വൈകിട്ട് 7ന് നാദബ്രഹ്മം സ്കൂള് ഓഫ് ആര്ട്സ് കൂരാലി അവതരിപ്പിക്കുന്ന സംഗീത നൃത്തസന്ധ്യ തുടങ്ങിയ പരിപാടികളും ഇളം ഫെസ്റ്റിനോടനുബന്ധിച്ച് നടക്കും.
