കോട്ടയം: ലോക എയ്ഡ്സ് ദിനത്തോടനുബന്ധിച്ച് ജില്ലയില് വ്യാപകമായ ബോധവത്ക്കരണം നടത്തുമെന്ന് ജില്ലാ സംഘാടകസമിതി അറിയിച്ചു. ‘ലക്ഷ്യത്തിലേക്ക് മുന്നേറാം- എച്ച്.ഐ.വി അണുബാധയില്ലാത്ത, വിവേചനമില്ലാത്ത, എയ്ഡ്സ് മരണങ്ങളില്ലാത്ത നല്ല നാളേക്കായി’ എന്ന സന്ദേശം ഉള്ക്കൊള്ളുന്ന വിവിധ പ്രചാരണ പരിപാടികള് ജില്ലയില് നടത്തും.
ജില്ലാതല പൊതുസമ്മേളനം ഡിസംബര് ഒന്നിന് പനച്ചിക്കാട് പി.ജി.ആര്.എം.എസ്എന്. കോളേജില് ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി ഉദ്ഘാടനം ചെയ്യും. കോട്ടയത്ത് അന്യസംസ്ഥാന തൊഴിലാളികളെ സംഘടിപ്പിച്ചുകൊണ്ട് നടത്തുന്ന മിനി മാരത്തോണ് കളക്ട്രേറ്റില് രാവിലെ 8.30ന് ജില്ലാ കളക്ടര് അജിത് കുമാര് ഫഌഗ് ഓഫ് ചെയ്യും. പനച്ചിക്കാട്, പരുത്തുംപാറ പ്രദേശങ്ങളില് വിദ്യാര്ഥികളുടെ ബൈക്ക്- സൈക്കിള് റാലിയും നടത്തും
കോട്ടയം റെയില്വേ സ്റ്റേഷന്, വൈക്കം ബസ് സ്റ്റാന്റ് എന്നിവിടങ്ങളില് ബോധവത്ക്കരണ പ്രദര്ശനമുണ്ടാകും. കുറവിലങ്ങാട് ദേവമാതാ കോളേജ്, വൈക്കം ബസ് സ്റ്റാന്റ് എന്നിവിടങ്ങളില് ബോധവത്ക്കരണ മാജിക് ഷോ നടത്തും.
ദിനാചരണത്തിന്റെ ഭാഗമായി ഡിസംബര് 28 മുതല് 10 ദിവസം 30 പഞ്ചായത്തുകളില് തുയിലുണര്ത്ത് എന്ന പേരില് ബോധവത്ക്കരണ കലാജാഥ നടത്തും. സംസ്ഥാന എയ്ഡ്സ് നിയന്ത്രണ സമിതിയില്നിന്ന് പ്രതേ്യകം പരിശീലനം നേടിയ തെരുവ് നാടകസംഘം- തൃശൂര് സംഘഭേരിയാണ് പരിപാടികള് അവതരിപ്പിക്കുക. കോട്ടയം, ചങ്ങനാശേരി, മീനച്ചില് താലൂക്കുകളിലാണ് പരിപാടി.
ഹയര് സെക്കന്ഡറി, നഴ്സിംഗ് വിദ്യാര്ഥികള്ക്കായി ഡിസംബര് ആറിന് കോട്ടയം ബേക്കര് മെമ്മോറിയല് ഹൈസ്കൂളില് സ്കിറ്റ് മത്സരം നടത്തും. 15 മിനിറ്റ് ദൈര്ഘ്യമുള്ള സ്കിറ്റ് മത്സരത്തില് പങ്കെടുക്കാന് താല്പ്പര്യമുള്ള സ്കൂളുകള് ഡിസംബര് മൂന്നനികം 9447675594 നമ്പരിലോ റലാീസീേേമ്യമാ@ഴാമശഹ.രീാ എന്ന ഇ-മെയില് വിലാസത്തിലോ ബന്ധപ്പെടണം.
