പാലാ : പിഎസ്സി റാങ്ക് ലിസ്റ്റിലുള്ള മുഴുവന് പേര്ക്കും നിയമനം നല്കാന് സര്ക്കാര് തയാറാകണമെന്ന് യുവമോര്ച്ച സംസ്ഥാന പ്രസിഡന്റ് അഡ്വ. പി. സുധീര് ആവശ്യപ്പെട്ടു. അഴിമതി മുക്ത കേരളത്തിനായി യുവജനമുന്നേറ്റം എന്ന മുദ്രാവാക്യമുയര്ത്തി പാലാ നിയോജകമണ്ഡലം കമ്മറ്റി പാലായില് സംഘടിപ്പിച്ച യുവജന സംഗമം ഉദ്ഘാടനം ചെയ്യുകയായിരുന്നു അദ്ദേഹം. ബാര് കോഴക്കേസില് ആരോപണവിധേയനായ മന്ത്രി കെ.എം.മാണി രാജിവയ്ക്കണമെന്നും അദ്ദേഹം ആവശ്യപ്പെട്ടു. നിയോജകമണ്ഡലം പ്രസിഡന്റ് മഹേഷ് ചന്ദ്രന് അദ്ധ്യക്ഷത വഹിച്ചു. ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് മുഖ്യപ്രഭാഷണം നടത്തി.
ബിജെപി സംസ്ഥാന സമിതിയംഗം പ്രൊഫ. ബി. വിജയകുമാര്, ജില്ലാ ജനറല് സെക്രട്ടറി എന്. ഹരി, ജില്ലാ വൈസ് പ്രസിഡന്റ് എന്.കെ. ശശികുമാര്, മണ്ഡലം പ്രസിഡന്റ് മോഹനന് പനയ്ക്കല്, ജനറല് സെക്രട്ടറി രണ്ജിത്ത് ജി., യുവമോര്ച്ച ജില്ലാ പ്രസിഡന്റ് എസ്. രതീഷ്, ജനറല് സെക്രട്ടറിമാരായ അഖില് രവീന്ദ്രന്, മനീഷ് മൂലയില്, ജയകൃഷ്ണന് രാമപുരം, ന്യൂനപക്ഷമോര്ച്ച ജില്ലാ ജന.സെക്രട്ടറി സെബാസ്റ്റിയന് ജോസഫ്, മഹിളാമോര്ച്ച മണ്ഡലം പ്രസിഡന്റ് ജയശ്രീ രാജേഷ് യുവമോര്ച്ച മണ്ഡലം ജനറല് സെക്രട്ടറി രാഹുല് രാജേന്ദ്രന്, വൈസ് പ്രസിഡന്റ് ശ്രീരാജ് എ.എസ്. തുടങ്ങിയവര് സംസാരിച്ചു. യുവജനസംഗമത്തിന് മുന്നോടിയായി പ്രകടനവും ഇരുചക്രവാഹനറാലിയും നടന്നു.
