കോട്ടയം: നഗരമദ്ധ്യത്തിലെ ഫയര് സ്റ്റേഷന്റെ മുന്നിലും അനധികൃത പാര്ക്കിങ്. നടപടിയെടുക്കാനാവാതെ നിസ്സഹായരായി അധികൃതര്. ഫയര് സ്റ്റേഷന് റോഡ് തീരെ വീതി കുറഞ്ഞതാണ്. ജില്ലാ വിദ്യാഭ്യാസ ഓഫീസ്, ജില്ലാആയുര്വ്വേദാശുപത്രി, വിജിലന്സ് കോടതി അടക്കമുള്ള സര്ക്കാര് ആഫീസുകളും നിരവധി സ്വകാര്യ വ്യാപാരകേന്ദ്രങ്ങളും ഈ റോഡില് ഉണ്ട്. കുടാതെ സംസ്ഥാന ഭരണത്തില് പങ്കാളിത്തമുള്ള ഒരു രാഷ്ട്രീയ പാര്ട്ടിയുടെ കേന്ദ്ര ഓഫീസ് ഫയര്സ്റ്റേഷനോടു ചേര്ന്നാണ് സ്ഥിതിചെയ്യുന്നത്. ഈ ഓഫീസില് മന്ത്രിയുടെ സന്ദര്ശമുള്ള ദിവസങ്ങളിലാണ് ഫയര് സ്റ്റേഷന്റെ വാതില്ക്കല് വാഹനങ്ങളുടെ നീണ്ടനിര പ്രത്യക്ഷപ്പെടുന്നത്. ഈ സമയത്ത് എന്തെങ്കിലും അത്യാവശ്യമുണ്ടായാല് ഫയര്എഞ്ചിന് പുറത്തിറക്കാന് ഏറെ പണിപ്പെടേണ്ടിവരുന്ന അവസ്ഥയാണ്. മന്ത്രിയെ കാണുവാന് എത്തുന്ന സില്ബന്ധികളുടെയും പാര്ട്ടി ഭാരവാഹികളുടെയും വാഹനങ്ങളാണ് അനധികൃതമായി പാര്ക്ക് ചെയ്യുന്നതെന്നതുകൊണ്ട് നടപടിയെടുക്കാന് കഴിയാത്ത അവസ്ഥയിലാണ് അധികൃതര്.
ഫയര് സ്റ്റേഷന്റെ മുന്നിലും പാര്ക്കിങ്; നടപടിയെടുക്കാനാവാതെ അധികൃതര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.