എരുമേലി: കേന്ദ്രസര്ക്കാര് സംസ്ഥാനത്ത് സ്ഥാപിക്കാനുദ്ദേശിക്കുന്ന എയിംസ് ആശുപത്രി ശബരിമല തീര്ത്ഥാനത്തിന്റെ പ്രവേശന കവാടമായ എരുമേലിയിലെ ചെറുവള്ളി സര്ക്കാര് വകമിച്ച പാട്ടഭൂമിയില് സ്ഥാപിക്കണമെന്നാവശ്യം. ഇതു സംബന്ധിച്ച് എരുമേലി സ്വദേശിയായ പൊതുപ്രവര്ത്തകന് ലൂയിസ് ഡേവിഡ് മുഖ്യമന്ത്രിക്ക് കത്ത് നല്കി.
എയിംസ്ന് വേണ്ട അടിസ്ഥാന സൗകര്യങ്ങളായ സ്ഥലം, വൈദ്യുതി, വെള്ളം റോഡുകള് എന്നിവ യഥേഷ്ടമുള്ളതിനാല് ചെറുവള്ളിയില് തന്നെ ആശുപത്രി നിര്മ്മിക്കണമെന്നും കത്തില് ചൂണ്ടിക്കാട്ടുന്നു. മലയോരമേഖലകളായ കോട്ടയം, ഇടുക്കി, പത്തനംതിട്ട, സമീപജില്ലയായ ആലപ്പുഴ എന്നിവിടങ്ങളില് നിന്നുമുള്ള രോഗികള് ചികിത്സയ്ക്കായി കോട്ടയം മെഡിക്കല് കോളേജിനെയാണ് ആശ്രയിക്കുന്നത്.ശബരിമല തീര്ത്ഥാടനവേളയിലുണ്ടാകുന്ന അപകടങ്ങളില് പരിക്കേല്ക്കുന്നവരെപോലും മെഡിക്കല് കോളേജിലേക്ക് കിലോമീറ്ററുകള് സഞ്ചരിച്ച് കൊണ്ടുപോകേണ്ട അവസ്ഥയാണുള്ളത്. അപേക്ഷ ഫയലില് സ്വീകരിച്ച് തുടര്നടപടികള്ക്കായി കളക്ടറെ ചുമതലപ്പെടുത്തിയിട്ടുണ്ടെന്ന് മുഖ്യമന്ത്രി തിരിച്ചയച്ച മറുപടിയില് അറിയിച്ചു.
