കോട്ടയം: അയ്യപ്പസേവാ സമാജം പനച്ചിക്കാട് യൂണിറ്റിന്റെ ആഭിമുഖ്യത്തില് വെള്ളൂത്തുരുത്തി എസ്എന്ഡിപി ഓഡിറ്റോറിയത്തില് നീലംപേരൂര് പുരുഷോത്തമ ദാസ് നയിക്കുന്ന രാമായണ സത്രം 2ന് ആരംഭിക്കും. 22ഓളം വരുന്ന ഹൈന്ദവ സമുദായ നേതാക്കളുടെ സാന്നിദ്ധ്യത്തില് ഭാരതീയ വിചാരകേന്ദ്രം ജില്ലാ പ്രസിഡന്റ് അഡ്വ. പി.ആര്. ശശികുമാര് നായര് അദ്ധ്യക്ഷത വഹിക്കുന്ന യോഗത്തില് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് സത്രം ഉദ്ഘാടനം നിര്വ്വഹിക്കും. പനച്ചിക്കാട് സരസ്വതീക്ഷേത്രം ഊരാണ്മ കെ.എന്. ദാമോദരന് നമ്പൂതിരി ഐകമത്യസൂക്തം ചൊല്ലിക്കൊടുക്കും.
3ന് രാവിലെ പ്രൊഫ. വി.ടി. രമ, വൈകിട്ട് 3ന് ഡോ. ജെ. പ്രമീളാദേവി, 7ന് സ്വാമി അയ്യപ്പദാസ്, 4ന് രാവിലെ 10ന് ഷൈലജ രവീന്ദ്രന്, വൈകിട്ട് 3ന് കെ. പ്രസന്നകുമാര്, 7ന് പി.ടി. മന്മഥന്, അഞ്ചിന് രാവിലെ 10ന് മുരളീദാസ് സാഗര്, വൈകിട്ട് 3ന് ബിജു പുളിക്കലേടത്ത്, രാത്രി 7ന് ഡോ. കെ. ജയപ്രസാദ് തുടങ്ങിയവര് രാമായണത്തെ അധികരിച്ച് പ്രഭാഷണങ്ങള് നടത്തും. വിളക്കിത്തല നായര് സമാജം സംസ്ഥാന പ്രസിഡന്റ് അഡ്വ. കെ.ആര്. സുരേന്ദ്രന് അദ്ധ്യക്ഷത വഹിക്കും. അയ്യപ്പ സേവാസമാജം ദേശീയ സെക്രട്ടറി കുമ്മനം രാജശേഖരന് സത്രസമാപന പ്രഭാഷണം നടത്തും. എസ്എസ്എല്സിക്ക് എല്ലാ വിഷയങ്ങള്ക്കും എപ്ലസ് നേടിയ കുട്ടികള്ക്ക് വാര്യര്സമാജം സംസ്ഥാന പ്രസിഡന്റ് സോമനാഥ വാര്യര് ഉപഹാരങ്ങള് നല്കും. സത്ര പരിപാടികള്ക്ക് 6ന് തിരശീല വീഴും. രാമായണപാരായണം, വിശേഷാല് പൂജകള്, ഭജന എന്നിവ ഇതോടനുബന്ധിച്ച് നടക്കും.
